'ઇટ્રા’ની ગવર્નિંગ બોડીમાં સભ્ય તરીકે નિમણૂક

December 31, 2024 11:32 AM

જામનગરનું નામ વૈશ્વિક ઓળખમાં છે તેમાં આયુર્વેદ પણ એક મહત્વનું પરિબળ છે! નામદાર રાજવી પરિવાર દ્વારા આયુર્વેદના વિકાસ અર્થે પૂષ્કળ કામગીરી કરવામાં આવી છે. શ્રી ગુલાબકુંવરબા આયુર્વેદ સોસાયટી પણ આયુર્વેદ ક્ષેત્રમાં વિકાસ અને ઉત્કર્ષ માટે દાયકાઓથી કાર્યરત રહી છે. આ સોસાયટીના સેક્રેટરી એવાં કીર્તિભાઇ ડી. ફોફરીયાની ભારત સરકારના આયુષ મંત્રાલય હેઠળ કાર્યરત આયુર્વેદ શિક્ષણ અને અનુસંધાન સંસ્થાન(ઇટ્રા)ની ગવર્નિંગ બોડીમાં સભ્ય તરીકે નિમણૂક કરવામાં આવી છે.

ઇટ્રા એ આયુર્વેદ ક્ષેત્રની દેશની સૌપ્રથમ અને એકમાત્ર રાષ્ટ્રીય મહત્વનો દરજ્જો ધરાવતી સંસ્થા છે ત્યારે તેમાં સ્થાનિક વ્યક્તિત્વને સ્થાન મળતા આયુર્વેદ જગતમાં ખુશી ફેલાઇ છે.

અત્રે ઉલ્લેખનીય છે કે ઇટ્રાની ગવર્નિંગ બોડીના ચેરમેન તરીકે ભારત સરકારના આયુષ મંત્રી હોય છે. કીર્તિભાઇ ફોફરીયાને આયુષ મંત્રાલયના સચિવ પદ્મશ્રી વૈદ્ય રાજેશ કોટેચા, ઇટ્રાના ઇન્ચાર્જ નિયામક પ્રો. બી. જે. પાટગીરી અને ગુજરાત આયુર્વેદ યુનિવર્સિટીના કુલપતિ વૈદ્ય મુકૂલ પટેલ તેમજ ગુલાકુંવરબા આયુર્વેદ સોસાયટીના પ્રમુખ આર. કે. શાહ અને ઉપપ્રમુખ અરવિંદભાઇ શાહ દ્વારા અભિનંદન પાઠવવામાં આવ્યા હતા.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

'ઇટ્રા’ની ગવર્નિંગ બોડીમાં સભ્ય તરીકે નિમણૂક

Recent News

Gujarat's No. 1 evening newspaper