જિલ્લા કોંગ્રેસના નેતૃત્વે સિહોર મહિલા મોરચાના અધ્યક્ષની જવાબદારી સ્થાનિક ચૂંટણીઓને લઈ પ્રફુલાબેન ગોરડીયાને સોંપવામાં આવી છે.
 છેલ્લા ઘણા સમયથી કોંગ્રેસના મહિલા મોરચાનું માળખું સુષુપ્ત અવસ્થામાં જોવા મળતુ હતુ. તેમાં વેગ આપવા માટે જિલ્લા નેતૃત્વે યુવાન અને શિક્ષિત મહિલા અગ્રણી પ્રફુલાબેન ગોરડીયાની વરણી કરી છે. પ્રફુલાબેનની વરણી થતાં ચૂંટણીના સમયમાં કોંગ્રેસને લાભ મળવાની આશા જાગી છે. સિહોર જ પ્રદેશ કોંગ્રેસમાં ગણનાપાત્ર કહી શકાય તેવા મહિલા નેતાઓની અને સંગઠનમાં કામ કરી શકે તેની ખૂબ અછત જોવા મળતી હતી. આવી પરિસ્થિતિમાં પક્ષ સાથે અને ચૂંટણીના સમયમાં મહિલા મતદારોની જોડવા ખૂબ કપરું અને મુશ્કેલ કાર્ય બની રહ્યું હતું. તેનો વિચાર કરીને જિલ્લા કોંગ્રેસના નેતૃત્વએ સિહોર કોંગ્રેસ મહિલા મોરચાના પ્રમુખ તરીકે પ્રફુલાબેનની વરણી કરીને મહિલા મતદારો, શિક્ષિત અને ચુવાન મહિલાઓ કોંગ્રેસની વિચારધારા સાથે જોડાઈ. તો તેનો ફાયદો કોંગ્રેસને મળે તે માટે ચૂંટણીના સમયમાં પ્રફુલાબેનની મહિલા મોરચાના અધ્યક્ષ તરીકે નિમણૂક કરી છે. આ નિમણૂકને નગરપાલિકા વિસ્તારોના મતદારોમાં પ્રભાવિત કરી શકે તેમ છે. વોર્ડના છેવાડાના મતદારો આજે પણ યુવાન અને મહિલા નેતૃત્વથી પ્રભાવિત થાય છે. ચોક્કસપણે આવનારી નગરપાલિકાની ચૂંટણીમાં પ્રફુલાબેનની વરણીનો લાભ કોંગ્રેસને પરિણામોમાં મળી શકે છે. આમ તો સમગ્ર જિલ્લામાં સિહોર કોંગ્રેસ સંગઠન મજબૂત માનવામાં આવી છે ત્યારે મહિલા પ્રમુખની વરણી સિહોર કોંગ્રેસને વધુ મજબૂતી તરફ લઈ જશે તેમા કોઇ શંકા નથી.