હિન્દુ ધાર્મિક સંસ્થાને નિશાન બનાવતા તત્વોથી સાવધાન રહેવા માંગ

જામનગર શહેરમાં હિન્દુ સેનાના કાર્યકર અને ચેનલના પ્રતિનિધિ કિશન નંદાને ઓનલાઇન પ્રિયા સોની નામના આઇડીથી ધાર્મિક સંસ્થાનું નામ વટાવીને ધમકી મળી છે, જેનો હેતુ હિન્દુત્વનું કામ કરનારને માનસિક રીતે તોડી પાડવાનો પ્રયત્ન કરવામાં આવી રહ્યો છે, આ અંગે સાયબર ક્રાઇમમાં પણ અરજી કરવામાં આવી છે અને ત્યારબાદ એફઆઇઆર કરવામાં આવશે તેમ હિન્દુ સેનાની યાદીમાં જણાવાયું છે.

હિન્દુ સેના દ્વારા એક નિવેદનમાં કહેવામાં આવ્યું છે કે, સાચી-ખોટી આઇડી દ્વારા ધાર્મિક સંસ્થાના નામનો ઉપયોગ કરી આવી સંસ્થાને બદનામ કરવાનો કારસો કેટલાક લુખ્ખા તત્વો ચલાવી રહ્યા છે, આમ હિન્દુવાદી ધાર્મિક સંસ્થાને નિશાન બનાવવા કોઇ મોટી ચાલ રમી રહ્યું છે, આવા તત્વોને સબક શીખડાવવો જરી છે, આ અંગે સાયબર ક્રાઇમમાં પણ અરજી કરવામાં આવી છે.