વાહનચોરીનો ભેદ ઉકેલાયો: પકડાયેલ શખ્સની પુછપરછ

જામનગર શહેરમાં વાહનચોરીના અનડીટેકટ ગુના શોધ કાઢવા સીટી-એનો સ્ટાફ પેટ્રોલીંગમાં હતો ત્યારે મળેલ બાતમીના આધારે ચોરાઉ બાઇક સાથે એક શખ્સને પકડી પાડી ભેદ ઉકેલ્યો હતો.
જામનગરના વેરશીવાડના ઢાળીયા પાસે રહેતા ફીરોજ હાસમભાઇ ખંભાળીયાવાળાએ સીટી-એમાં અજાણ્યા ઇસમ સામે ફરીયાદ કરી હતી કે, ગત તા. ૨૯ના રોજ ફરીયાદીના પિતા હાસમભાઇના નામથી રજીસ્ટર થયેલ મોટરસાયકલ નં. જીજે૨૩એફ-૮૭૪૮ વેરશીવાડના ઢાળીયા પાસે રાખ્યુ હતું ત્યાથી કોઇ ચોરી કરીને લઇ ગયું હતું.
ફરીયાદ દાખલ થતા સીટી-એ ડીવીઝનના પીઆઇ એન.એ. ચાવડાના માર્ગદર્શન હેઠળ સ્ટાફ ચોરીના અનડીટેકટ ગુના શોધી કાઢવા પેટ્રોલીંગમાં હતા, દરમ્યાન સ્ટાફના એએસઆઇ કે.પી. જાડેજા, કોન્સ. ખોડુભાને બાતમી મળેલ કે બેઠક તરફથી ઠેબા ચોકડી તરફ એક શખ્સ બાઇક લઇને આવે છે જે હકીકત આધારે ઉપરોકત નંબરના ચોરાઉ બાઇક સાથે નકળેલા અજય ઉર્ફે ટીપુ મુકેશ પરમાર (ઉ.વ.૨૩) રહે. વરુડી પાટીયે કાલાવડને પકડી લીધો હતો. તેની પાસેથી ચોરાઉ બાઇક કબ્જે કરી ગુનો શોધી કાઢયો હતો.
***
જામનગરમાં વધુ એક મોટરસાયકલની ઉઠાંતરી
જામનગરના વેરશીવાડના ઢાળીયા પાસે રહેતા ફીરોજ હાસમભાઇ ખંભાળીયાવાળાએ સીટી-એમાં અજાણ્યા ઇસમ સામે ફરીયાદ કરી હતી કે, ગત તા. ૨૯ના રોજ ફરીયાદીના પિતા હાસમભાઇના નામથી રજીસ્ટર થયેલ મોટરસાયકલ નં. જીજે૨૩એફ-૮૭૪૮ વેરશીવાડના ઢાળીયા પાસે રાખ્યુ હતું ત્યાથી કોઇ ચોરી કરીને લઇ ગયું છે.