હાઈવે પર બેફામ દોડતા અથવા તો રસ્તામાં ગમે ત્યાં આડેધડ પાર્ક કરી દેવાતા ડમ્પરોના કારણે સમયાંતરે જીવલેણ અકસ્માતો થતાં રહે છે. લીંબડી પાસે થોડા દિવસ પહેલા રસ્તા પર ઉભેલા ડમ્પર પાછળ બસ ઘુસી જતાં અકસ્માત સર્જાયો હતો. ફરી આજે લીંબડી પાસે જ ડમ્પર ટ્રક સાથે અથડાતા બે વ્યકિતના મોત નિપજયાનું જાણવા મળે છે.
બનાવની પ્રાથમીક વિગતો પ્રમાણે લીંબડી રાજકોટ હાઈવે પર ફુલગ્રામ પાસે આજે ગોઝારો અકસ્માત થયો હતો. ટ્રક અને ડમ્પર અથડાતા ચાલક સહિતના ઘવાયા હતા. ઈજાગ્રસ્તોને સારવારમાં હોસ્પિટલે લઈ જવાયા હતા. જેમાં બે વ્યકિતને ગંભીર ઈજા થઈ હોવાથી મૃત્યુ નિપજયા હતા. ઘટનાના પગલે હાઈવે પર ટ્રાફિકજામ થઈ ગયો હતો. પોલીસ દોડી ગઈ હતી. ઈજાગ્રસ્તોને સારવારમાં લઈ જવાયા બાદ ટ્રાફિક પુર્વવત કરાવાયો હતો.