મહાઠગ કિરણ અને માલિની પટેલ સામે વધુ એક ફરિયાદ નોંધાઇ છે મોરબીના એક વેપારીએ કિરણ-માલિની પટેલ સામે છેતરપીંડીની ફરિયાદ દાખલ કરાવી છે. કિરણ પટેલ અને માલિની પટેલે મોરબીના વેપારી સાથે લાખોની ઠગાઈ આચરી હોવાનો ફરિયાદમાં ઉલ્લેખ કરવામાં આવ્યો છે. કિરણ પટેલ હાલ જમ્મુ-કાશ્મીરની જેલમાં છે. જ્યારે માલિની પટેલને તાજેતરમાં જ જામીન મળ્યા છે.

પ્રાપ્ત વિગત પ્રમાણે કિરણ પટેલ અને માલિની પટેલે GPCBનું લાયસન્સ અપાવવાના નામે વેપારી પાસેથી 42 લાખ લીધા હતા. કલાસ-1 અધિકારી તરીકે ઓળખ આપીને આ ઠગ દંપતીએ રૂપિયા પડાવ્યા હતા. ત્યાર બાદ લાયસન્સ ન કરાવી માત્ર 11.75 લાખ પરત કર્યા હતા. જ્યારે બાકીના 31.11 લાખ રૂપિયા પરત આપ્યા જ નહતા. ત્યારે કિરણ પટેલ અને માલિની પટેલે ભેગા મળીને છેતરપીંડી આચરી હોવાની ફરિયાદ દાખલ થઇ છે.