મુકેશ અંબાણી અને નીતા અંબાણીના નાના દિકરા અનંત અંબાણી પોતાની લાઈફના નવા ચેપ્ટરને શરૂ કરવા જઈ રહ્યા છે. તે રાધિકા મર્ચન્ટ સાથે આ વર્ષે જુલાઈમાં લગ્નના બંધનમાં બંધાશે . પરંતુ આ પહેલા તેમનું ગ્રાન્ડ પ્રી-વેડિંગ ફંક્શન યોજાશે.જેની તૈયારી ઓ પૂર્ણ કરી દેવયી છે અને સીને કલાકારોને પહોચતા કરી દેવાયા છે.અનંત અંબાણી અને રાધિકા મર્ચન્ટ હાલ પોતાના બીજા પ્રી-વેડિંગ ફંક્શનને લઈને ચર્ચામાં છે. આ બન્ને જુલાઈમાં લગ્નના બંધનમાં બંધાવાના છે.આ બન્નેનું પ્રી-વેડિંગ ફ્રાન્સમાં થશે. અનંત અંબાણી અને રાધિકા મર્ચન્ટનું બીજું પ્રી-વેડિંગ ફંક્શન સાઉથ ફ્રાન્સમાં ક્રૂઝ શિપ પર યોજાવા જઈ રહ્યું છે. આ પ્રી-વેડિંગ ફંક્શનમાં 800 થી વધુ વિવિઆઈપી મહેમાનો હાજરી આપશે. જે ક્રૂઝ પર પ્રી-વેડિંગ ફંક્શન યોજાવા જઈ રહ્યા છે તેનું નામ સેલિબ્રિટી એસેન્ટ છે, જે માલ્ટામાં બનેલ છે.સેલિબ્રિટી એસેન્ટ 90 કરોડ ડોલર અથવા 7475 કરોડ રૂપિયામાં તૈયાર કરવામાં આવી છે. સાથે જ તે 5-સ્ટાર સુવિધા સાથેનો ફ્લોટિંગ રિસોર્ટ છે.આ ક્રુઝમાં વધુમાં વધુ 3950 મુસાફરો મુસાફરી કરી શકશે. 327 મીટર લાંબા અને 39 મીટર પહોળા ક્રૂઝ શિપમાં 17 ડેક છે, જેમાં સનસેટ બાર અને પૂલ ડેકનો સમાવેશ થાય છે.આ ક્રુઝ પર 1 લેપ પૂલ, 2 હોટ ટબ પૂલ અને ક્રૂઝ પર વૉકિંગ-જોગિંગ માટે એક ટ્રેક પણ છે. ક્રૂઝમાં પેન્ટહાઉસ સ્યુટમાં બેડરૂમ, ડ્રેસિંગ રૂમ, લિવિંગ એરિયા અને ડાઇનિંગ એરિયા પણ છે. આપને જણાવી દઈએ કે મુકેશ અંબાણીએ તેમના પુત્રના પ્રથમ પ્રી-વેડિંગ ફંક્શનમાં 1259 કરોડ રૂપિયાનો ખર્ચ કર્યો હતો. હવે એ વિચારવા જેવું છે કે તે બીજા પ્રી-વેડિંગ પાછળ કેટલો ખર્ચ કરે છે.