અમરેલી લેટરકાંડ મામલે રાજ્યના પોલીસ તંત્રમાં મોટો ખળભળાટ મચ્યો છે. પાયલ ગોટી દ્વારા કરવામાં આવેલા ગંભીર આક્ષેપો અને વિધાનસભામાં આ મુદ્દો ગાજ્યા બાદ, રાજ્યના પોલીસ વડા વિકાસ સહાયે કડક પગલાં લીધા છે. તાત્કાલિક અસરથી અમરેલીના 8 પોલીસ ઇન્સ્પેક્ટર (PI) અને 7 પોલીસ સબ-ઇન્સ્પેક્ટર (PSI)ની બદલીના આદેશો જારી કરવામાં આવ્યા છે.

પાયલ ગોટીએ અમરેલી પોલીસના કેટલાક અધિકારીઓ પર ગંભીર આરોપો લગાવ્યા હતા, જેના કારણે સમગ્ર રાજ્યમાં આ મામલો ચર્ચાનો વિષય બન્યો હતો. આ મુદ્દો વિધાનસભામાં પણ ગુંજ્યો હતો. પોલીસ વડા વિકાસ સહાયે આ ઘટનાને ગંભીરતાથી લઈને જાહેર હિતમાં આ બદલીઓનો નિર્ણય લીધો છે. તેમણે સ્પષ્ટ શબ્દોમાં જણાવ્યું છે કે પોલીસ તંત્રમાં ભ્રષ્ટાચાર અને ગેરરીતિ આચરનારા કોઈપણ અધિકારીને છોડવામાં નહીં આવે.