પોરબંદર નગરપાલિકાના તંત્રએ ૧૨ વર્ષ પહેલા ૨૪૦ જેટલા કાયમી સફાઈ કર્મચારીઓને રહેણાંક હેતુ માટે પ્લોટની ફાળવણી કરી હતી,પરંતુ આ પ્લોટ છાંયાના રણ વિસ્તારમાં પાણીમાં ડુબેલા ફાળવ્યા હતા.સ્વાભાવિક રીતે પાણીની અંદર કઈ રીતે લોકો મકાન બનાવી શકે? પરંતુ તંત્રએ આ બાબતની દરકાર લીધી ન હતી અને તેથી વારંવાર એવા પ્રકારની રજુઆત કરવામાં આવી હતી કે,રણ વિસ્તારમાં જગ્યા જમીન સમથળ કરીને પ્લોટ આપવામાં આવે,પરંતુ આ બાબત ગંભીર હોવા છતાં નગરપાલિકાથી માંડીને વહીવટીતંત્રએ નક્કર કાર્યવાહી હજુ સુધી કરી નથી તાજેતરમાં જ સફાઈ કર્મચારીઓ દ્વારા જિલ્લા કલેકટર થી માંડીને નગરપાલિકાના પ્રમુખ અને ચીફ ઓફિસરને આ મુદ્દે આવેદન પાઠવવામાં આવ્યુ હતુ,ત્યારે તંત્રએ હવે સફાઈ કામદારોના આ પ્રાણ પ્રશ્ર્નનું નિરાકરણ કરવું જોઈએ તથા વહેલીતકે તેઓ પોતાનું મકાન બનાવી શકે તે માટે પ્લોટને સમથળ કરી દેવા જોઈએ તે જ‚રી બન્યું છે.