અભિનેતા અક્ષય કુમાર ફિટનેસ ફ્રીક છે. તે પોતાના સ્વાસ્થ્યને લઈને ખૂબ જ સભાન છે. હવે અભિનેતાએ ધનતેરસના અવસર પર ચાહકોને ફિટ રહેવાની અપીલ કરી છે. અક્ષયે ધનતેરસની શુભકામનાઓ પણ આપી છે. હાલમાં જ પીએમ નરેન્દ્ર મોદીએ દેશવાસીઓને ફિટનેસ પર ધ્યાન આપવાનું કહ્યું હતું.

અક્ષય કુમારે એક્સ પર લખ્યું કોઈ બહાનું નહીં, કોઈ કોમ્પ્રોમાઈઝ નહીં. તે અદ્ભુત છે કે આપણા દેશના કેપ્ટન આપણને ફિટનેસને જીવનનો માર્ગ બનાવવા માટે વિનંતી કરી રહ્યા છે. તેઓ પોતે જ એક દાખલો બેસાદે છે. નરેન્દ્ર મોદીજીનું આ નિવેદન સાંભળો અને તેનો અમલ કરો. આજે ધનતેરસ છે. સ્વાસ્થ્યથી મોટી કોઈ સંપત્તિ નથી. ધનતેરસની શુભકામના.

PM નરેન્દ્ર મોદીએ ફિટનેસ વિશે વાત કરી હતી

મન કી બાતમાં પીએમ નરેન્દ્ર મોદીએ ફિટનેસ વિશે વાત કરી હતી. તેમણે કહ્યું હતું - ઠંડીની મોસમ શરૂ થઈ ગઈ છે પરંતુ ફિટનેસ માટેના જુસ્સાથી કોઈપણ ઋતુમાં કોઈ ફરક પડતો નથી. જેને ફિટ રહેવાની આદત હોય તેને ઠંડી, ગરમી કે વરસાદ કંઈ નથી નડતું. મને ખુશી છે કે ભારતમાં લોકો હવે ફિટનેસ વિશે જાગૃત થઈ રહ્યા છે. તમે જોતા જ હશો કે નજીકના બગીચાઓમાં લોકોની સંખ્યા વધી રહી છે.