રાજકોટ હિરાસર ઇન્ટરનેશનલ એરપોર્ટ પર પ્રથમ વખત આકાશા એરલાઇન્સનું 6557 નમ્બરની 185 સીટરની ચાર્ટર્ડ ફલાઇટ લેન્ડિંગ કર્યું હતું. ગઈકાલે દિલ્હીથી ખાસ પ્લેન આવ્યું હતું અને જેને 30 મિનિટ રાજકોટ ખાતે રોકાણ કયર્િ બાદ બેંગ્લોર માટે ઉડાન ભરી હતી. આ ફ્લાઈટમાં 175 જેટલા પેસેન્જરોએ મુસાફરી કરી હતી. આ ખાસ ફ્લાઈટ પોદાર પરિવાર એ બુક કરાવી હોવાનું જાણવા મળ્યું છે. બે દિવસ બેંગ્લોર ખાતે પ્રસંગ પૂર્ણ કર્યા બાદ ફરી 12 તારીખે આ ચાર્ટર્ડ પ્લેન રાજકોટ આવશે અને ત્યાંથી ફરી બેંગ્લોર જવા રવાના થશે.

મારવાડી ઉદ્યોગપતિ પરિવારમાં પ્રસંગ હોય તેમણે આકાશાનું ચાર્ટર્ડ પ્લેન દિલ્હીથી બુક કરાવ્યું હતું. જેમાં દિલ્હીથી પરિવારના 105 જેટલા પેસેન્જર આવ્યા હતા જ્યારે રાજકોટથી પરિવારના અન્ય 57 જેટલા સ્વજનો આકાશાના આ ચાર્ટડ પ્લેનમાં જતા કુલ 175 લોકો નોંધાયા હતા.
રાજકોટ ઇન્ટરનેશનલ એરપોર્ટથી અત્યારે એર ઇન્ડિયા અને ઈન્ડિગો તેમજ વેન્ચુરાની ફ્લાઈટનું ઓપરેશન ચાલી રહ્યું છે જ્યારે પ્રથમવાર જ આકાશાનું ખાસ વિમાન ઉદ્યોગપતિ પરિવારના પ્રસંગ માટે આવેલ છે. બેંગ્લોરથી 12 જુલાઈએ ચાર્ટર્ડ પ્લેન બપોરે 3.15 એ ઉડાન ભરી રાજકોટ આવશે અહીં 30 મિનિટના રોકાણ બાદ ફરી બેંગ્લોર માટે બપોરે 4.10 મિનિટે રવાના થશે.