શ્રદ્ધા કપૂર હાલમાં સ્ત્રી 2ની સફળતાનો આનંદ માણી રહી છે. શ્રદ્ધા અને રાજકુમાર રાવની ફિલ્મ સ્ત્રી 2 તાજેતરમાં રિલીઝ થઈ છે અને બોક્સ ઓફિસ પર સારી કમાણી કરી રહી છે. આ ફિલ્મને ક્રિટિક્સ અને ઓડિયન્સ તરફથી જબરદસ્ત રિસ્પોન્સ મળી રહ્યો છે. દરમિયાન સમાચાર આવી રહ્યા છે કે આ સુપરહિટ ફિલ્મ બાદ શ્રદ્ધાને રિતિક રોશનની ફિલ્મ ક્રિશ 4 માટે અપ્રોચ કરવામાં આવી છે. શ્રદ્ધા અને રિતિક મોટા પડદા પર સાથે જોવા મળશે તેવા સમાચાર સાંભળીને ચાહકો પણ ઉત્સાહિત થયા હતા.
અહેવાલ અનુસાર આ વાતમાં તથ્ય નથી. ફિલ્મનું કાસ્ટિંગ પણ હજુ શરૂ થયું નથી. વેબસાઈટ અનુસાર, ક્રિશ 4 ભારતની સૌથી વધુ પસંદ કરાયેલી સુપરહીરો ફિલ્મ છે અને હાલમાં પ્રી-પ્રોડક્શનનું કામ ચાલી રહ્યું છે. ક્રિએટિવ ટીમ સ્ક્રિપ્ટને આખરી ઓપ આપી રહી છે. આ સમયે આવી રહેલી કાસ્ટિંગ અફવાઓ સાચી નથી. ફિલ્મની કાસ્ટિંગ પ્રક્રિયા હજી શરૂ થઈ નથી.
ચાહકો થઈ શકે છે નિરાશ
આ સમાચાર સાંભળ્યા બાદ ચાહકો થોડા નિરાશ થયા છે. ક્રિશની સિરીઝની શરૂઆત 2003માં આવેલી ફિલ્મ કોઈ મિલ ગયાથી થઈ હતી, જે સુપરહિટ રહી હતી. આ ફિલ્મમાં રિતિક, પ્રીતિ ઝિન્ટા અને રેખા મુખ્ય ભૂમિકામાં હતા. આ પછી ક્રિશ આવ્યો જેમાં રિતિક, રેખા અને પ્રિયંકા ચોપરા મુખ્ય ભૂમિકામાં હતા. ક્રિશ 3 માં હૃતિક અને પ્રિયંકા ફરીથી મુખ્ય ભૂમિકામાં હતા અને અત્યાર સુધી ત્રણેય ફિલ્મોને ખૂબ જ સારો પ્રતિસાદ મળ્યો છે. હવે આ ફિલ્મનો ચોથો ભાગ આવવાનો છે જેની લાંબા સમયથી રાહ જોવાઈ રહી હતી.
ક્રિશ 4 માટે ઉત્સાહિત ચાહકો
આ વર્ષની શરૂઆતમાં એક અહેવાલ આવ્યો હતો કે રિતિક આ ફિલ્મ માટે ખૂબ જ મહેનત કરી રહ્યો છે. તે અને પિતા રાકેશ રોશન એક એવી વાર્તા સાથે આવવા માંગે છે જેની કોઈને અપેક્ષા પણ નહિ હોય. અત્યારે લોકો નિર્માતાઓ તરફથી સત્તાવાર જાહેરાતની રાહ જોઈ રહ્યા છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકેશોદ-મુંબઈ વિમાની સેવા બંધ થતાં વેપારીઓ અને પર્યટન ક્ષેત્રને ફટકો, પુનઃ શરૂ કરવાની માગ
April 03, 2025 09:09 PMઅમેરિકામાં તોફાનથી ભયંકર તબાહી, લાખો ઘરોની વીજળી ગુલ, પૂર આવવાનો પણ ખતરો
April 03, 2025 09:07 PMલંડનથી મુંબઈ આવી રહેલી ફ્લાઈટ ટર્કી પહોંચી, 200થી વધુ ભારતીયો 15 કલાકથી ફસાયા, જાણો શું છે કારણ
April 03, 2025 09:05 PM4 એપ્રિલની ગાંધીધામ-પાલનપુર-ગાંધીધામ એક્સપ્રેસ આંશિક રીતે રદ રહેશે
April 03, 2025 09:02 PMCopyright © 2023-2024 Aajkaal Daily
Developed by Rhythm Infotech