આગ્રા પોલીસ કાઉન્સેલિંગ સેન્ટરમાં એક વિચિત્ર કિસ્સો સામે આવ્યો હતો. આગ્રામાં એક યુવકે ફોટો જોઈને એક યુવતીને પસંદ કરી લીધી. જ્યારે છોકરી જોઈ ત્યારે તેણે મેક-અપ કરેલો હતો. લગ્ન થયા ત્યારે પણ મેકઅપ કર્યો હતો. લગ્ન બાદ જ્યારે તેણે તેની પત્નીને મેકઅપ વગર જોઈ તો વિવાદ શરુ થયો હતો. વિવાદ એટલો વધ્યો કે તે પોલીસ સ્ટેશન સુધી પહોંચી ગયો હતો.

પતિનું કહેવું છે કે લગ્ન પહેલા જ્યારે તેની પત્ની ફોટા મોકલતી ત્યારે તે મોબાઈલમાં ફિલ્ટરવાળા ફોટો મોકલતી હતી. ફિલ્ટર પણ અદ્ભુત છે. કાળાને સફેદ અને સફેદને કાળા બનાવી દે છે. લગ્ન પછી તે થોડા દિવસો સુધી મેક-અપ કરતી હતી પરંતુ જેમ જેમ દિવસો વીતતા ગયા તેમ તેમ મેક-અપ ધોવાઇ ગયો અને સત્ય બહાર આવ્યું. તેણે આક્ષેપ કર્યો હતો કે તેની સાથે છેતરપિંડી થઈ છે અને તેની પત્ની કાળી છે. વિવાદ એટલો વધી ગયો કે પોલીસ સુધી પહોંચી ગયો. શનિવારે 'ફેમિલી કાઉન્સેલિંગ'માં તેનું સમાધાન થયું હતું.

સિકંદરાની યુવતીના લગ્ન વર્ષ 2023માં મથુરાના એક યુવક સાથે થયા હતા. યુવતી બે મહિનાથી તેના પિયરમાં રહેતી હતી. લગ્નના થોડા દિવસોમાં જ પતિ સાથે વિવાદ થયો હતો. કાઉન્સેલિંગ દરમિયાન ખબર પડી કે વિવાદનું કારણ રંગ હતો, દહેજ નહિ. કાઉન્સેલરે યુવકને સમજાવ્યો. યુવક તેની પત્ની સાથે રહેવા સંમત થયો. વચન આપ્યું કે હવે તે તેની પત્નીને કાળી કહીને હેરાન નહીં કરે અને તેની સાથે ઝઘડો નહીં કરે.