ભાવનગર શહેરમા ૧૯ દિવસ બાદ મહત્તમ તાપમાન ૩૭ ડિગ્રીને પાર થઈ ૩૭.૪ ડિગ્રી થતાં ગરમીનું જોર વધ્યું હતું.લઘુત્તમ તાપમાન આજે શુક્ર વારે સવારે ૨૨.૨ ડિગ્રી થયું હતુ.આજે સવારે ભેજ ૩૧ ટકા રહયો હતો જ્યારે પવનની ઝડપ આજે સવારે શાંત રહી હતી.

  ફાગણ મહિનાના બીજા સપ્તાહમાં ઠંડીનું જોર ઓછું થયું છે. મોડી રાત્રે ઠંડીનો થોડો ચમકારો રહે છે.આજે સવારથી ધૂપછાંવનું વાતાવરણ રહ્યું હતુ.માર્ચ મહિનાના ત્રીજા સપ્તાહમાં લઘુત્તમ તાપમાનમાં વઘ -ઘટ થયા કરે છે.

  છેલ્લા એક સપ્તાહથી શિયાળાની અસર ભાવનગર શહેર અને જિલ્લામાં દૂર થઈ છે. ત્રણ દિવસ બાદ તાપમાન વધતા ઠંડી ઘટી હતી. તાપમાનમાં વઘ ઘટ થવાથી ઠંડીનું પ્રમાણ પણ વધી અને ઘટી રહ્યું છે.બપોરે તો ગરમીનું પ્રમાણ વધુ રહે છે.

  શહેરનું મહત્તમ તાપમાન અર્ધો ડિગ્રી વધીને ૩૭.૪ ડિગ્રી થતાં ગરમી વધી હતી.૧૯ દિવસ બાદ મહત્તમ તાપમાન ૩૭ ડિગ્રીને પાર થયું હતુ .બપોરના સમયે ગરમી આકરી બની છે.આગામી દિવસોમાં ગરમી હજુ વધશે.આજે સવારે લઘુત્તમ તાપમાન ૧.૩ ડિગ્રી ઘટીને ૨૨.૨ ડિગ્રી થયું હતુ.

  આજે શુક્રવારે સવારે ભેજનું પ્રમાણ વધીને ૩૧ ટકા રહયું હતુ. છેલ્લા ઘણા દિવસોથી ભેજનું પ્રમાણ વધારે રહેતુ હતું .ભેજના કારણે લોકો પરસેવાથી પરેશાન થયા છે.પવનની ઝડપ આજે સવારે શાંત રહી હતી.