આજકાલ લોકોમાં થાઈરોઈડની સમસ્યા જોવા મળે છે .ત્યારે મહિલાઓમાં આ સમસ્યા વધુ જોવા મળી રહી છે. થાઈરોઈડથી હોર્મોન્સ અસંતુલિત થઈ જાય છે. અને થાઇરોઇડ સંબંધિત સમસ્યાઓ હાઇપોથાઇરોડિઝમ  અને હાઇપરથાઇરોઇડિઝમ જે શરીરમાં ચયાપચય, વજન અને ઊર્જા સ્તરને અસર કરે છે. પણ કેટલાક ઘરેલુ ઉપચાર તમારા માટે ફાયદાકારક સાબિત થઈ શકે છે. આયુર્વેદિક નિષ્ણાત વૈદ્ય બ્રિજભૂષણ શર્મા કહે છે કે આ ઉપાયોને અનુસરવાથી થાઈરોઈડ ઘટાડી શકાય છે.

ઘરેલુ ઉપચાર થાઈરોઈડને કંટ્રોલ કરશે

અશ્વગંધા

અશ્વગંધા એક શક્તિશાળી આયુર્વેદિક ઔષધિ છે, જે થાઈરોઈડ હોર્મોનને નિયંત્રિત કરવામાં મદદ કરે છે. તે શરીરમાં થાઈરોઈડની ઉણપ અને વધુ બંનેને સંતુલિત કરે છે. દરરોજ 500 મિલિગ્રામ અશ્વગંધાનું સેવન કરવાથી થાઈરોઈડની સમસ્યામાં સુધારો જોવા મળે છે.

ત્રિફળા

ત્રિફળા પાચનતંત્રને મજબૂત બનાવવામાં અને શરીરમાંથી ઝેરી તત્વોને દૂર કરવામાં મદદ કરે છે. રાત્રે સૂતા પહેલા તેને એક ચમચી ગરમ પાણી સાથે લેવાથી થાઈરોઈડને નિયંત્રિત કરી શકાય છે.

ધાણાનું પાણી

નિષ્ણાતો કહે છે કે ધાણાનું પાણી થાઈરોઈડની સમસ્યા માટે ઉત્તમ ઘરગથ્થુ ઉપચાર છે. આ માટે એક ચમચી ધાણાને આખી રાત પાણીમાં પલાળી રાખો. આ પાણીને સવારે ગાળીને ખાલી પેટ પીવો. આવું સતત 15 દિવસ સુધી કરવાથી થાઈરોઈડને ધટાડી શકાય છે.

નાળિયેર તેલ

નાળિયેર તેલમાં મધ્યમ-શ્રેણી ફેટી એસિડ હોય છે, જે પચાનક્રીયા ઝડપી કરવામાં અને થાઇરોઇડ ઘટાડવામાં મદદરૂપ થાય છે. ખોરાકમાં નાળિયેર તેલનો ઉપયોગ થાઇરોઇડની સમસ્યાઓને નિયંત્રિત કરવામાં મદદ કરી શકે છે.

નિષ્ણાતો કહે છે કે આ દેશી ઉપાયો કુદરતી રીતે થાઈરોઈડ ગ્રંથિને સંતુલિત કરવામાં મદદ કરે છે. તેમાં હાજર જડીબુટ્ટીઓ અને તત્વો શરીરમાં હોર્મોનલ સંતુલન જાળવી રાખે છે અને થાઈરોઈડના સ્તરને નિયંત્રિત કરે છે. આ ઉપાયોના નિયમિત ઉપયોગથી થાઈરોઈડની સમસ્યામાંથી રાહત મળી શકે છે.

નિષ્ણાતની સલાહ શું છે?

નિયમિત કસરત,યોગ અને પ્રાણાયામ થાઈરોઈડને કંટ્રોલ કરવામાં ખૂબ મદદરૂપ છે. ખાસ કરીને સર્વાંગાસન અને મત્સ્યાસન જેવા આસનો થાઇરોઇડ ગ્રંથિ પર સીધી અસર કરે છે એટલું જ નહીં, થાઇરોઇડના દર્દીઓએ આયોડિનયુક્ત ખોરાક, જેમ કે સી ફૂડ, ઇંડા અને દૂધનું સેવન કરવું જોઈએ. આ સિવાય આહારમાં લીલા પાંદડાવાળા શાકભાજી અને તાજા ફળોનો સમાવેશ કરો. તણાવ થાઇરોઇડની સમસ્યાઓમાં વધારો કરી શકે છે. એટલા માટે ધ્યાન કરવાથી તણાવમાં ઘટાડો થાય છે.