ગીરસોમનાથ જિલ્લ ાના કોડીનાર તાલુકાના અરિઠિયા ગામની જંગલ વિસ્તારમાં સરકારી જમીનમાં ચાલતી ગેરકાયદે કવોરી ઉપર રેવન્યુ, ખાણ ખનીજ વિભાગની ટૂકડીઓએ ત્રાટકી સવા લાખ મેટ્રીક ટન જેટલો ખનીજ જથ્થો ચોરી કરવામાં આવ્યો હોવાનું ખુલતા દંડનીય કાર્યવાહી હાથ ધરાઈ હતી.કલેકટર દિગ્વિજયસિંહ જાડેજાના સીધા માર્ગદર્શન હેઠળ રેવન્યૂ વિભાગ તથા ખાણ અને ખનીજ કચેરીની સંયુકત ટીમ દ્રારા કોડિનાર તાલુકાના અરિઠિયા ગામના સર્વે નં ૪૫ પૈકી વાળી  સરકારી જમીનમાં  ૦૦.૯૦.૦૦ હેકટર વિસ્તારમાં બ્લેકટ્રેપ ખનીજની માતી સ્ટોન ક્રશર રાજુભાઈ હમીરભાઈ સોલંકી અને ધનશ્યામભાઈ દીપસિંહ સોલંકી નામની કવોરી લીઝની ટીમ દ્રારા તપાસ કરી માપણી કરવામાં આવી હતી.આ લીઝનો ઇકો સેન્સિટીવ ઝોનમાં સમાવેશ થતો હોઈ, સદર લીઝનું ઓનલાઈન એકાઉન્ટ વર્ષ ૨૦૧૭ થી લોક કરવામાં આવેલ છે. છતાં, પ્રતિબંધિત જંગલ વિસ્તારમાં ગેરકાયદેસર ખનનની પ્રવૃત્તિ કરવામાં આવતી હોઈ તપાસ અન્વયે સવાલવાળા વિસ્તારમાંથી ૧,૨૨,૩૯૩ મે.ટન જથ્થો વધુ ગેરકાયદેસર રીતે નિકાસ કરવામાં આવેલ હોવાનું તપાસમાં જણાઈ આવેલ છે.
આ લીઝમાં થયેલ ગેરકાયદેસર ખનન બાબતે કુલ . ૫૫,૪૭,૯૪,૯૮૪ જેટલી દંડની રકમ વસૂલવા બાબતે નિયમોનુસાર કાર્યવાહી હાથ ધરવામાં આવી છે