2014 થી કથિત ભ્રષ્ટાચાર માટે કેન્દ્રીય એજન્સીઓની કાર્યવાહીનો સામનો કરી રહેલા 25 જેટલા અગ્રણી રાજકારણીઓ ભાજપમાં પ્રવેશ્યા છે. તેમાંથી 23 સામેના કેસ કાં તો બંધ થઇ ગયા છે અથવા અભેરાઈ પર ચડાવી દઈને રાહત આપવામાં આવી છે તેમ ઇન્ડીયન એક્સપ્રેસના એક અહેવાલમાં જણાવવામાં આવ્યું છે. કોંગ્રેસના નેતા કપિલ સિબ્બલે પણ આજે સવારે આરોપ લગાવ્યો હતો કે 2014 પછી તપાસ એજન્સીઓનો સામનો કરી રહેલા 25 વિપક્ષી નેતાઓ ભાજપમાં જોડાઈ ગયા પછી તેમના 23 સામે કાર્યવાહી બંધ કરી દેવામાં આવી છે. પોતાનો પક્ષ છોડીને આવનાર નેતાઓમાં 10 કોંગ્રેસના છે, એનસીપી અને શિવસેનામાંથી ચાર-ચારછે, ટીએમસીના ત્રણછે, ટીડીપીમાંથી બે અને એસપી અને વાયએસઆરકોંગ્રેસના એક-એક નેતા છે.

કાયદો પોતાનો માર્ગ અપ્નાવે છે - સિવાય કે તેને રાજકારણ દ્વારા નડવામાં આવે. ધ ઈન્ડિયન એક્સપ્રેસ દ્વારા કરવામાં આવેલી તપાસમાં જાણવા મળ્યું છે કે આમાંથી 23 કેસોમાં તેમની રાજકીય ચાલ રાહતમાં પરિણમી છે. ત્રણ કેસ બંધ કરવામાં આવ્યા છે; 20 અન્ય અટકેલા અથવા કોલ્ડ સ્ટોરેજમાં છે. નેતાઓ ભાજપમાં આવી ગયા પછી તપાસ એજન્સીની કાર્યવાહી નિષ્ક્રિય રહી છે.

જ્યારે આરોપી વિપક્ષમાં હોય ત્યારે શું થાય છે તેનાથી આ તદ્દન વિપરીત છે - 2022માં ધી ઈન્ડિયન એક્સપ્રેસ દ્વારા કરવામાં આવેલી તપાસમાં જાણવા મળ્યું હતું કે 2એનડીએ સત્તામાં આવ્યું તે પછી એન્ફોર્સમેન્ટ ડિરેક્ટોરેટ (ઇડી) અને સેન્ટ્રલ બ્યુરો ઑફ ઈન્વેસ્ટિગેશન (સીબીઆઈ) એ જેની સામે પગલાં લીધા તેમાંના 95 ટકા અગ્રણી રાજકારણીઓ વિપક્ષના હતા. વિપક્ષ તેને વોશિંગ મશીન કહે છે, તે પદ્ધતિ કે જેના દ્વારા ભ્રષ્ટાચારના આરોપો ધરાવતા રાજકારણીઓ જો તેમનો પક્ષ છોડીને ભાજપમાં જોડાય તો તેમને કાયદાકીય પરિણામોનો સામનો કરવો પડતો નથી.
તાજેતરના તારણો દશર્વિે છે કે રાજ્યમાં 2022 અને 2023ની રાજકીય ઉથલપાથલ વખતે કેન્દ્રીય કાર્યવાહીનો મોટો ભાગ મહારાષ્ટ્ર પર કેન્દ્રિત હતો. 2022 માં, એકનાથ શિંદે જૂથ શિવસેનાથી અલગ થઈ ગયું અને ભાજપ સાથે નવી સરકાર બનાવી. એક વર્ષ પછી, અજિત પવાર જૂથ એનસીપીથી અલગ થઈ ગયું અને શાસક એનડીએ ગઠબંધનમાં જોડાયું.
રેકોડ્ર્સ દશર્વિે છે કે એનસીપી જૂથના બે ટોચના નેતાઓ, અજિત પવાર અને પ્રફુલ પટેલ દ્વારા સામનો કરવામાં આવેલા કેસો પછીથી બંધ કરવામાં આવ્યા હતા. કુલ મળીને, મહારાષ્ટ્રના 12 અગ્રણી રાજકારણીઓ 25 ની યાદીમાં છે, જેમાંથી અગિયાર 2022 કે પછી ભાજપમાં સ્વિચ થયા હતા, જેમાં એનસીપી, શિવસેના અને કોંગ્રેસના દરેક ચારનો સમાવેશ થાય છે.