મેઘપર ગામની સગીરાને ઉઠાવી જઇ દુષ્કર્મ ગુજારનાર આરોપી ઝબ્બે

May 05, 2025 11:16 AM

ભોગ બનનારને શોધી કાઢી : કલમનો ઉમેરો કરી પોલીસની તપાસ

લાલપુર તાલુકાના મેઘપર ગામમાંથી આજથી બે સપ્તાહ પહેલાં ૧૩ વર્ષની વયની સગીરાનું અપહરણ થયું હતું, જેને ઉઠાવી જનાર જસાપર ગામના એક પરિણીત શખ્સને ઝડપી લેવાયો છે, અને તેના કબજા માંથી સગીરાને છોડાવી લઇ તબીબી ચકાસણી કરાવાઈ છે. જેમાં તેણીની સાથે દુષ્કર્મ થયું હોવાનું પણ સામે આવ્યું છે. પોલીસ દ્વારા આરોપીની ઘનિષ્ટ પૂછપરછ ચલાવાઇ રહી છે.

લાલપુર તાલુકા ના મેઘપર ગામમાં રહેતા એક પરિવારની ૧૩ વર્ષની સગીર પુત્રીનું આજથી બે સપ્તાહ પહેલાં અપહરણ થઈ ગયું હતું. જેને ઉઠાવી જવા અંગે લાલપુર તાલુકાના જસાપર ગામના વતની કિશોર ઉર્ફે કિસન જેરામ વાઘેલા નામના પરિણીત દેવીપુજક શખ્સ સામે મેઘપર પોલીસ મથકમાં ફરિયાદ નોંધાવવામાં આવી હતી.

દરમિયાન ઉપરોક્ત આરોપી વાડી વિસ્તારમાં સંતાયો હોવાની બાતમીના આધારે મેઘપર પોલીસે વોચ ગોઠવી આરોપી કિશોર વાઘેલા ને ઝડપી લીધો છે, અને તેના કબજામાં રહેલી સગીરાને છોડાવી લઇ મેડિકલ તપાસણી કરાવવામાં આવી હતી. જ્યાં તેણી પર વારંવાર દુષ્કર્મ ગુજારવામાં આવ્યું હોવાનું સામે આવ્યું છે. પોલીસ દ્વારા આરોપી સામે અપહરણ-દુષ્કર્મ, પોકસો સહિતની કલમ હેઠળ કાર્યવાહી કરવામાં આવી છે, અને વધુ પૂછપરછ ચલાવાઇ રહી છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application