તળાજા-મહુવા  બોરડા બાય પાસ રોડ પર ગોપનાથ ચોકડી નજીક  મોડી સાંજે ખાનગી બસ અને રીક્ષા અકસ્માત સર્જાતા લોકોના ટોળા ઉમટ્યા હતા રિક્ષા મા ત્રણ મહિલા સહિત  ચાર શ્રમિકો ને નાની મોટી ઈજાઓ થતા તાત્કાલિક ૧૦૮ એમ્બ્યુલન્સ દ્વારા તળાજા હોસ્પિટલ ખસેડાયેલ હોસ્પિટલ ખાતે ખસેડાયા હતા. અકસ્માતના પગલે અગ્રણીઓ સહીત ટોળા ઉમટયા હતા.
 ભાવનગર થી મહુવા તરફ જતી ખાનગી ટ્રાવેલ્સની બસ  અને તળાજા તરફ જતી શ્રમિકો ભરેલ રિક્ષા વચ્ચે અકસ્માત સર્જાયો હતો તમામ ઈજાગ્રસ્તો શેરડી કાપવાની મજુરી કરી તળાજા તરફ જતા હતા બોરડા ગામના સેવાભાવીઓ સહિત ઘટના સ્થળે દોડી ગયા હતા.     
અકસ્માતમાં   કંચન બેન મકવાણા(  ઉ. વ. ૨૫),કોમલ બેન બારૈયા,) કૈલાશ બેન બારૈયા (ઉ. વ. ૨૩),મુકેશ ભાઈ બારૈયા (ઉ. વ. ૨૮) ને નાની મોટી ઈજાઓ થઈ હતી હોસ્પિટલ મા અગ્રણીઓ દોડી ગયા હતા.  લોકોએ જણાવેલ કે બોરડા બાયપાસ રોડ બન્યા બાદ ગામના જુના રોડ ઉપર ગોપનાથ ચોકડીએ  સ્પીડ બ્રેકર ન હોય    વારંવાર અકસ્માતની ઘટના બને છે. અકસ્માતથી બન્ને વાહનોને ભારે નુકસાન થયાનું જાણવા મળ્યું હતું.