બંને વાહનોમાં નુકસાની: રીક્ષા ચાલક ઘાયલ : ટોળા એકત્ર થયા

જામનગરમાં જીલ્લા પંચાયત સર્કલ રોડ પર આજે સવારે એક ઓટો રીક્ષા તેમજ કાર વચ્ચે અકસ્માત સર્જાયો હતો. ઓટોરિક્ષાની પાછળ થી પુરપાટ ઝડપે આવી રહેલી એક કાર ધડાકાભેર અથડાઈ પડી હતી, અને કાર તેમજ રિક્ષા બંને વાહનોમાં નુકસાની થઈ હતી.

આ ઉપરાંત રિક્ષા ના ચાલક બુઝુર્ગ ને માથાના ભાગે ઈજા થઈ હતી, જે બનાવ બાદ 108ની ટુકડીને સ્થળ પર બોલાવતા ઈજાગ્રસ્ત રીક્ષા ચાલકને સારવાર માટે જી.જી. હોસ્પિટલમાં પહોંચાડવામાં આવ્યા હતા. આ અકસ્માતને લઈને થોડો સમય માટે ટ્રાફિકજામના દ્રશ્ય સર્જાયા હતા, પોલીસ ટુકડી દોડી આવી હતી, અને અકસ્માતના બનાવ અંગે વધુ તપાસ હાથ ધરી છે.