દિવાળી પૂર્વે અરજીઓના સબમિશનમાં ભુલો કરવા બદલ આધાર ઓથોરિટી દ્રારા રાજકોટ મહાપાલિકાના આધારકાર્ડ કેન્દ્રના ૧૮ ઓપરેટરને એકસાથે સસ્પેન્ડ કરવામાં આવતા મહાપાલિકાની વેસ્ટ ઝોન અને ઇસ્ટ ઝોન કચેરીમાં આધારકાર્ડ કેન્દ્રની કામગીરી સંપૂર્ણ બધં થઇ ગઇ છે જેના કારણે સેન્ટ્રલ ઝોન કચેરીમાં દરરોજ અરજદારો ઉમટી પડતા હોય લાંબી લાઇન લાગે છે. સેન્ટ્રલ ઝોનમાં દરરોજ ૪૦૦ જેટલા અરજદારો આવે છે જેની સામે ફકત ચાર જ કીટ કાર્યરત હોય ત્રણ–ત્રણ કલાક લાઇનમાં ઉભા રહ્યા બાદ માંડ વારો આવે છે, આમ દિવાળી પૂર્વે સર્જાયેલી સ્થિતિ દેવ દિવાળી પછી પણ મતલબ કે પખવાડિયા પછી પણ સ્થિતિ થાળે પડી નથી અને હજુ આગામી એક પખવાડિયા પછી પણ થાળે પડે તેવા કોઇ નિર્દેશ નથી.
રાજકોટ મહાપાલિકાના આધાર કેન્દ્ર વિભાગના નોડલ ઓફિસર આરદેશણાએ જણાવ્યું હતું કે આધાર કાર્ડની ઓનલાઇન અરજીના સબમીશનમાં ભુલો આવવાના કારણે અરજીઓ રિજેકટ થતી હોય આ મામલે આધાર ઓથોરિટી દ્રારા દિવાળી પૂર્વે ૧૮ જેટલા ઓપરેટરને એક સાથે સસ્પેન્ડ કરવામાં આવ્યા હતા. ખરેખર ભુલ થવાનું કારણ ઓપરેટરની ભુલ નહીં પરંતુ ટેકનિકલ ફોલ્ટના કારણોસર ભુલ થતી હતી અને અરજીઓ રિજેકટ થતી હતી પરંતુ તે બાબતને ધ્યાને લીધા વિના ઓપરેટરોને સસ્પેન્ડ કરવામાં આવતા હાલમાં આધાર કાર્ડ કેન્દ્રની કામગીરી ઠપ્પ થઇ ગઇ છે, સસ્પેન્શન પરત ખેંચવા માટે આધાર ઓથોરિટીને ઇમેઇલ કરી ઉપરોકત બાબતની જાણ કરાઇ છે પરંતુ આજ દિવસ સુધી કોઇ પ્રત્યુતર આવ્યો નથી જેના પરિણામે સમગ્ર શહેરના તમામ અરજદારોનો ધસારો સેન્ટ્રલ ઝોન કચેરીએ થાય છે અને તેવા કારણે લાઈન લાગે છે તેમજ વારો આવવામાં વિલબં થાય છે.
તેમણે ઉમેયુ હતું કે આધાર કેન્દ્રમાં બેસતા ઓપરેટરોને અગાઉ સ્પેશ્યલ ટ્રેનિંગ આપવી પડે છે અને ટ્રેનિંગ મેળવી હોય તેવા ઓપરેટર જ સુયોગ્ય રીતે સમય મર્યાદામાં કામ કરી શકે છે આથી અહીં અન્ય ઓપરેટર બેસાડી શકાતા નથી. રાજકોટ શહેરમાં બેંકો અને પોસ્ટ ઓફિસ સહિત અલગ અલગ ૨૫ જેટલા સ્થળોએ આધાર કાર્ડની કામગીરી થાય છે ત્યારે યાં સુધી મહાપાલિકાના આધાર કેન્દ્રોમાં સ્થિતિ થાળે ન પડે ત્યાં સુધી અન્ય કેન્દ્રોની સેવાનો લાભ લેવા પણ નાગરિકોને અપીલ છે

અરજદારોને બેન્કો–પોસ્ટ ઓફિસોમાં જવા અપીલ જાતે આવડે તો ઓનલાઇન અપડેટ પણ કરી શકાય
રાજકોટ શહેરમાં મહાપાલિકા ઉપરાંત બેંકો અને પોસ્ટ ઓફિસોમાં પણ આધારકાર્ડની તમામ કામગીરી થતી હોય અરજદારોને મહાપાલિકાના આધારકાર્ડ કેન્દ્રમાં સ્થિતિ થાળે ન પડે ત્યાં સુધી બેંકો અને પોસ્ટ ઓફિસોમાં જવા માટે અપીલ કરવામાં આવી છે. આધારકાર્ડમાં જો સામાન્ય બાબત અપડેટ કરવાની હોય તો દસ્તાવેજી પુરાવાઓ રજુ કરીને જાતે પણ ઓનલાઇન અપડેટ કરી શકાય છે. આ માટે આધાર ઓથોરિટીની વેબસાઇટ ઉપર જવાનું રહે છે