મવડી ફાયર બ્રિગેડ પાસે એટીએમ સેન્ટરે એટીએમનો પીન જનરેટ કરવામાં મદદરૂપ થવાના બહાને ગઠીયાએ એટીએમ કાર્ડ બદલી વૃધ્ધના ખાતામાંથી રૂ.31 હજાર ઉપાડી લીધા હતાં.જે અંગે વૃધ્ધે માલવીયાનગર પોલીસ મથકમાં ફરિયાદ નોંધાવી છે.
મવડીના કૃષ્ણનગર મેઇન રોડ પર આવેલા આરએમસીના બગીચા પાસે રહેતા વિજયભાઇ લક્ષ્મીશંકર દવે(ઉ.વ. 63) દ્વારા માલવીયાનગર પોલીસ સ્ટેશનમાં નોંધાવવામાં આવેલી ફરિયાદમાં જણાવ્યું હતું કે,ગઇ તા. 10ના રોજ પોસ્ટ મારફતે નવુ એ.ટી.એમ. કાર્ડ એસ.બી.આઇનુ આવ્યું હોય અને આ એ.ટી.એમ કાર્ડને મારે જનરેટ કરાવવાનુ હોય તા. 11/02ના બપોરના આશરે બારેક વાગ્યે ના અરસામા હું મવડી ફાયર બ્રિગેડ ની બાજુ મા અલ્કા સોસાયટી ખાતે આવેલ એસ.બી.આઇ બેંકમાં એ.ટી.એમના પીન જનરેટ કરાવવા માટે ગયો હતો અને આ દરમિયાન ત્યાં મેં બેંક મા કહેલ કે મને એ.ટી.એમનો પીન જનરેટ કરતા આવડતો નથી મારી મદદ માટે આવો જેથી ત્યાં હાજર એક કર્મચારી મારી સાથે એ.ટી.એમ રૂમમા આવ્યો પરંતુ આ કર્મચારીને અચાનક ફોન આવી ગયો હતો અને તુરંત તે ફોનમા વાત કરવા માટે બહાર નિકળેલ આ અરસામા ત્યાં પહેલેથી જ એટી.એમ રૂમમા એક ભાઇ હાજર હોય જેથી આ ભાઇએ મને કહેલ કે, તમોને નવા એ.ટી.એમ મા પીન જનરેટ કરવા હોય તો હું તમોને કરી આપુ જેથી મેં મારૂ એ.ટી.એમ કાર્ડ તેને આપેલ અને આ અજાણ્યા ભાઇએ મને એ.ટી.એમમા પીન જનરેટ કરી આપેલ અને મારા મોબાઇલમાં ઓ.ટી.પી આવેલ અને મેં તેને મારા મોબાઇલમાથી ઓ.ટી.પી દેખાડેલ મને આ અજાણ્યા ભાઇએ કહેલ કે તમારુ એ.ટી.એમ કાર્ડ જનરેટ થઇ ગયું છે.હવે તમારા પૈસા એ.ટી.એમમાંથી ઉપડશે.
બાદમાં આ શખસ અહીંથી નિકળી ગયેલ અને મારી પાસે એ.ટી.એમ કે જે આ ભાઇ એ જ નરેટ કરી આપેલ તે એ. ટી. એમ મશિનમા નાખતા એ.ટી.એમ મસીનમા કોઇ પ્રોસેસ થયેલ નહી જેથુ હું તુરત જ બેન્કમા ગયેલ અને આ દરમિયાન મારા મોબાઇલમા અલગ અલગ ચાર ટ્રાન્ઝેક્શન થયાના મેસેજ આવ્યા હતા.જેમાં મારા બેન્ક એકાઉન્ટમાથી રૂ.31000 ઉપડી ગયા હતા અને શંકા જતા મેં બેંન્ક મા તપાસ કરાવેલ તો મને જાણવા મળેલ કે મારૂ એ.ટી.એમ કાર્ડ આ અજાણ્યા ઇસમે લઇ લીધેલ અને તેની પાસે રહેલ અન્ય એ.ટી.એમ કાર્ડ મને આપી અ ને મારુ એ.ટી.એમ કાર્ડ તેની પાસે રાખી અન્ય એ.ટી.એમમાંથી કુલ રૂ.31000 વિડ્રો કરી લીધા હતાં.બાદમાં આ મામલે વૃધ્ધે માલવીયાનગર પોલીસ મથકમાં ફરિયાદ નોંધાવી હતી.