પોરબંદરના અડવાણા નજીક ટેટી નું વેચાણ કરવા પ્રશ્ને યુવાન ઉપર ખૂની હુમલો થતા હત્યાની કોશિશની ફરિયાદ દાખલ થઈ છે.
અડવાણા ગામે સોરઠી ડેમ વિસ્તારમાં રહેતા પ્રતાપ અરશી ઓડેદરા નામના ૩૩ વર્ષના યુવાને એવી પોલીસ ફરિયાદ બગવદર પોલીસ મથકમાં નોંધાવી છે કે તારીખ ૨૨/૩ ના બપોરે ૨:૦૦ વાગ્યા આસપાસ તે અડવાણા નજીક હાઇવે રોડ પર ઘાણાની સામે ટ્રેક્ટર રાખીને ટેટી નું છૂટક વેચાણ કરતો હતો આથી ભટકડી ગામનો નાગો ઉર્ફે નાગો ધુળબુકા કારાવદરા
પ્રતાપને ઘાણા ની સામે ટ્રેક્ટર ઊભું રાખીને ટેટી નું છૂટક વેચાણ કરવા દેવા માંગતો નહીં હોવાથી તેણે પ્રતાપ અને સંતોષ એમ બંને યુવાનો સાથે ગાળાગાળી કરીને માથાકૂટ કરી હતી તથા સંતોષને ઝાપટ મારી હાથ પગ ભાંગી નાખવાની ધમકી આપી હતી.
ત્યારબાદ પણ પ્રતાપે ટ્રેક્ટર માં ટેટી વેચવાનું ચાલુ રાખતા નાગો પોતાની કારમાંથી રાંપડી (ખેત ઓજારની રાપ) કાઢીને લઈ આવ્યો હતો અને પ્રતાપની હત્યાના ઇરાદે માથાના ભાગે ઘા મારતા તે હટી ગયો હતો તેથી ગાલમાં લોહી નીકળવા લાગ્યા હતા ત્યારબાદ પણ માર મારવામાં આવ્યો હતો આથી લોહીલુહાણ પ્રતાપને સારવાર માટે હોસ્પિટલ લવાયો હતો અને હત્યાની કોશિશનો ગુનો નાગા કારાવદરા સામે નોંધાવ્યો છે.