પત્ની રીસામણે ચાલી જતા મનમાં લાગી આવવાથી પગલુ ભર્યુ

કાલાવડ તાલુકાના મોટી નાગાજર ગામે વાડીએ રહેતા યુવાને જંતુનાશક દવા પી લેતા સારવાર દરમ્યાન મૃત્યુ થયું છે, મૃતકની પત્ની રીસામણે ચાલી જતા આ બાબતનું મનમાં લાગી આવવાથી પગલુ ભરી લીધાનું પોલીસ ચોપડે નોંધાયુ છે.

મુળ મઘ્યપ્રદેશના જાંબવા જીલ્લાના માછલાજીર ગામના વતની અને હાલ કાલાવડ તાલુકાના મોટી નાગાજર ગામે દીલાભાઇની વાડીએ રહેતા વિનુભાઇ થાવુભાઇ બાબેરીયા (ઉ.વ.20) નામના શ્રમિક યુવાનની પત્ની રીસામણ તેના માવતરના ઘરે જતા રહયા હોય અને તેણી પતી સાથે જવા માંગતા ન હોવાનું જણાવ્યુ હતું.

જે બાબતનું વિનુભાઇને મનમાં લાગી આવતા પોતાની મેળે તા. 21ના વાડીએ જંતુનાશક દવા પી લેતા દાખલ કરવામાં આવ્યા હતા જયાં સારવાર દરમ્યાન તેમનું મૃત્યુ નિપજયુ હતું, આ બનાવ અંગે મોટી નાગાજણ ગામમાં રહેતા સેનીયાભાઇ બાબેરીયાએ કાલાવડ ગ્રામ્ય પોલીસમાં જાણ કરતા જાહેર થયેલી વિગતોના આધરે આગળની કાર્યવાહી હાથ ધરવામાં આવી હતી.