કેશોદના ફાગળી ગામે મેંદરડા થી આવતી પીયાગો રિક્ષા અને ટ્રેક્ટર સાથે અકસ્માત સર્જાતા રિક્ષામાં બેઠેલા એક મહિલાનું મોત નીપજ્યું હતું જ્યારે છ મુસાફરોને ઇજા થતા હોસ્પિટલે સારવાર અર્થે ખસેડવામાં આવ્યા હતા.
​​​​​​​
કેશોદના ફાગળી ગામે ઉત્તરક્રિયા માં મેંદરડા થી પિયાગો રીક્ષા જી જે૧૧ યુ ૨૪૫૯ લઈને જતાં હતાં ત્યારે પુરપાટ ઝડપે આવતાં ટ્રેક્ટર  સાથે અકસ્માત સર્જાયો હતો. ઘટનામાં મેંદરડા ના શાહિદાબેન હનીફભાઈ કુરેશી નું મોત થયું હતું જ્યારે રિક્ષામાં બેઠેલા પુરીબેન કરસનભાઈ, ભાવનાબેન ભરતભાઈ, મંજુબેન ગીગાભાઈ, અરવિંદભાઈ ભાણજીભાઈ, લીલાબેન ગોરધનભાઈ, નસીમાબેન સલીમભાઈ,ઉમીયાશંકર મકનભાઈ  તમામ (રહે મેંદરડા) ઈજાગ્રસ્ત થયા હતા . ઘટનાને પગલે  ૧૦૮ ની ટીમે પહોંચી  ચાર મુસાફરોને  ગંભીર ઈજા થતાં વધુ સારવાર માટે જુનાગઢ સિવિલ હોસ્પિટલમાં ખસેડવામાં આવ્યા હતાં.જ્યારે અન્ય મુસાફરો ને ઈજા  કેશોદ હોસ્પિટલ ખાતે પહોંચી પ્રાથમિક સારવાર આપવામાં આવી હતી.  કેશોદના ફાગળી વિસ્તારમાં સંખ્યાબંધ ભરડીયાઓ આવેલાં હોય ઓવરલોડ ભરેલાં કાયમી ધોરણે માતેલા સાંઢની માફક ડમ્પરો અને ટ્રેકટરો ચલાવતાં હોય છે.કેશોદના ફાગળી રોડ પર બનેલાં અકસ્માત માં ટ્રેક્ટર માં લોખંડ ની પ્લેટો ભરેલી હોય અકસ્માત સર્જી્ ટ્રેક્ટર ચાલક નાસી ગયો છે  આ અંગે પીયાગો રિક્ષા ના ચાલક ઉમિયાશંકર મગનભાઈ ચાવડાએ ગણેશ ભરડીયા વાળા જગદીશભાઈ ના ટેલર સાથેના અજાણ્યા ટ્રેક્ટર ચાલક સામે પોલીસ ફરિયાદ નોંધાવી છે વધુ તપાસ કેશોદ પોલીસ સ્ટેશન નાં પી.આઈ બી બી કોળી એ હાથ ધરી છે.