જામનગરના એક દંપતિ સહિત ત્રણ સામે ફરિયાદ:  મકાનના વેચાણના પૈસાની લેતી-દેતીના મામલે પોલીસમાં અરજી કરી હોવાથી તેનું મન દુઃખ રાખીને હુમલો કર્યો

જામનગરના ગુલાબ નગર વિસ્તારમાં રહેતી મહિલાએ પોતાને તથા પરિવારજનોને ધાક ધમકી આપી પોતાના પુત્ર ઉપર હુમલો કરવા અંગે ડિફેન્સ કોલોની માં રહેતા મનસુખ બચુભાઈ પરમાર છાયાબેન મનસુખભાઈ પરમાર નામના દંપત્તિ અને તેના પુત્ર વિશાલ મનસુખભાઈ પરમાર સામે સીટી સી. ડિવિઝન પોલીસ મથકમાં ફરિયાદ નોંધાવી છે.

જે ફરિયાદમાં જાહેર કરાયા અનુસાર ફરિયાદીએ આરોપી પાસેથી અગાઉ કબજા વગરના મકાનનો સોદો કર્યો હતો, તેના બે લાખ દસ હજાર રૂપિયા ફરિયાદીને આરોપીએ આપ્યા ન હતા. જેથી ફરીયાદી મહિલા દ્વારા જામનગરના પોલીસ વિભાગમાં અરજી કરવામાં આવી હતી.

જેનો ખાર રાખીને ઉપરોક્ત દંપત્તિ અને તેના પુત્ર ત્રણેયએ ભેગા થઈને હુમલો કરી ધાકધમકી આપ્યાન પોલીસ ફરિયાદમાં જાહેર કરાયું છે.