કચ્છના અંજાર નજીક સાપેડામાં એક હૃદયદ્રાવક અકસ્માત બન્યો છે. હિટ એન્ડ રનની આ ઘટનામાં બે યુવાનોએ પોતાનો જીવ ગુમાવ્યો છે.

મળતી માહિતી મુજબ, બાઈક પર સવાર બે મિત્રોને એક અજાણ્યા વાહને ટક્કર મારી હતી. આ ટક્કર એટલી જોરદાર હતી કે બંને યુવાનોને ગંભીર ઈજાઓ પહોંચી હતી. સારવાર મળે તે પહેલાં જ બંનેએ ઘટનાસ્થળે અંતિમ શ્વાસ લીધા હતા.

આ અકસ્માત બાદ વાહન ચાલક ત્યાંથી ફરાર થઈ ગયો હતો. ઘટનાની જાણ થતાં જ પોલીસ અને એમ્બ્યુલન્સ ઘટનાસ્થળે પહોંચી હતી. બંને યુવાનોના મૃતદેહોને પોસ્ટમોર્ટમ માટે અંજારની હોસ્પિટલમાં ખસેડવામાં આવ્યા છે.

પોલીસે અજાણ્યા વાહન ચાલક વિરુદ્ધ કેસ નોંધીને તપાસ શરૂ કરી છે. આ ઘટનાએ સમગ્ર વિસ્તારમાં શોકનું મોજુ ફેલાવી દીધું છે.