પોરબંદરના મફતીયાપરા વિસ્તારમાં ગઇકાલે રાત્રે ગેસની નળી લીકેજ થતા ભયાનક આગ લાગી હતી જેમાં મહિલાનો ચમત્કારિક બચાવ થયો છે પરંતુ ઘરવખરી સળગીને રાખ થઇ ગઇ છે.
બનાવની વિગત એવી છેકે પોરબંદરના મફતીયાપરા વિસ્તારમાં ચામુંડા માતાજીના મંદિરમાં એક મકાનમાં ગઇકાલે રાત્રે સવાઅગિયાર વાગ્યે ગેસની નળી લીકેજ થતા આગ લાગી હતી અને જોતજોતામાં આ આગે વિકરાળ સ્વ‚પ ધારણ કરી લીધુ હતુ અને ઘરવખરી સળગવા લાગી હતી. ફાયરબ્રિગેડને જાણ કરવામાં આવતા. પોરબંદર ફાયરબ્રિગેડની ટીમ તાત્કાલિક પહોચી ગઇ હતી અને પાણીનો મારો ચલાવીને અંદાજે બે કલાકની જહેમત બાદ આગ ઉપર કાબુમેળવ્યો હતો. સદનસીબે કોઇને ઇજા કે જાનહાની થયા નથી. તેથી રાહત થઇ છે.