પટનામાં એક વિચિત્ર પ્રકારના તાવનો કહેર વધ્યો છે, જેમાં દર્દીના પગમાં ખુબ સોજા આવે છે અને તે 10 કે 15 દિવસ સુધી ચાલી શકતો નથી, એટલું જ નહી આ તાવના લક્ષણો જોતા તે ડેન્ગ્યુ અને ચિકનગુનિયા જેવા હોય છે પરતું પરીક્ષણોમાં તે પકદાતો નથી. આથી તબીબોએ તેનું નામ લંગડો તાવ રાખી દીધું છે.રાજધાની પટનાના અમુક વિસ્તારોમાં વધુ પ્રકોપ જોવા મળી રહ્યો છે.
બિહારની રાજધાની પટનામાં એક વિચિત્ર તાવએ ડોક્ટરોને ચોંકાવી દીધા છે. આ તાવમાં દર્દીઓને પગમાં એટલો દુખાવો થાય છે કે તેમને ચાલવામાં પણ તકલીફ પડે છે. તેથી જ લોકો તેને ’લંગડો તાવ’ કહી રહ્યા છે. આ તાવ પટનાના ઘણા વિસ્તારોમાં ફેલાયો છે, ખાસ કરીને એવા વિસ્તારોમાં જ્યાં પહેલા ડેન્ગ્યુના દર્દીઓ જોવા મળ્યા હતા.માહિતી અનુસાર, લોહાનીપુર, કદમકુઆં, ભૂતનાથ રોડ, ચિત્રગુપ્તનગર, કાંતિ ફેક્ટરી રોડ, અશોકનગર, ન્યુ પાટલીપુત્ર કોલોની, દિઘા, સિપારા, જયપ્રકાશનગર અને પીસી કોલોની જેવા વિસ્તારો પ્રભાવિત છે.

આ તાવના લક્ષણો શું છે
આ તાવમાં ખુબ તાવની સાથે પગમાં ભારે દુખાવો થાય છે. પગની ઘૂંટી અને ઘૂંટણમાં પણ સોજો આવે છે. દર્દીને ચાલવામાં ઘણી તકલીફ પડે છે. નવાઈની વાત તો એ છે કે તપાસમાં ડેન્ગ્યુ કે ચિકનગુનિયા બેમાંથી કોઈ મળી આવ્યું નથી. તબીબોના મતે આ વખતે તાવના દર્દીઓમાં અલગ-અલગ પ્રકારના લક્ષણો જોવા મળી રહ્યા છે. ટેસ્ટમાં ડેન્ગ્યુ, ચિકનગુનિયા કે ટાઈફોઈડ ન હોવાનું બહાર આવ્યું હતું. પરંતુ ખૂબ જ તાવની સાથે, પીડિતોને પગમાં તીવ્ર દુખાવો અને પગની ઘૂંટી અને ઘૂંટણની આસપાસ સોજો આવે છે. પટનાના ઘણા વિસ્તારોમાંથી આવા ડઝનેક કેસ સામે આવી રહ્યા છે.