આગામી મહાવદ નોમના ૨૨ ફેબ્રુઆરીથી ભવનાથ તળેટીમાં લઘુ કુંભ મહાશિવરાત્રી મેળો યોજાનાર છે. મેળા સંદર્ભે જૂનાગઢ જ્ઞાતિ સમાજ ઉતારા મંડળની બેઠક યોજાઈ હતી. જેમાં મહાશિવરાત્રી મેળાના પૂર્વ આયોજન માટે વહીવટી તત્રં વહેલામાં વહેલી તકે બેઠક બોલાવે તેવી માંગ કરવામાં આવી છે.
જ્ઞાતિ સમાજ ટ્રસ્ટ ઉતારા મંડળના ભાવેશભાઈ વેકરીયાના જણાવ્યા મુજબ ૨૨થી ૨૬ ફેબ્રુઆરી લઘુ કુંભ મહાશિવરાત્રી મેળા અંતર્ગત લાખો ભાવિકો મેળો કરવા આવે છે. ૨૨ ફેબ્રુઆરીએ ધજા રોહન થશે અને ૨૬ તારીખે મોરબી કુંડમાં સ્નાન સાથે મેળાની પૂર્ણાહત્પતિ થશે. શિવરાત્રી મેળાના પ્રારંભને દોઢ માસનો સમય બાકી હોય જેથી જ્ઞાતિ સમાજ ઉતારા મંડળ દ્રારા થતી તૈયારીઓ અંગે બેઠક યોજાઇ હતી. જેમાં નોમના દિવસે  સવારે ૮વાગ્યે ઉતારા મંડળ દ્રારા પૌરાણિક સુદર્શન તળાવના જલથી સૂર્યને અંજલી અર્પણ કરી ભવનાથ મહાદેવને જલાભિષેક પૂજા બાદ ધ્વજા રોહણ કરાશે પરંપરાગત લઘુ કુંભ મહાશિવરાત્રી મેળો ત્યારબાદ પ્રારભં થશે શિવરાત્રીના દિવસે રાત્રે રવેડી યોજાશે. જેથી મેળામાં લોકો ભવનાથથી પાયતન રોડ, લાલ ઢોરી, ઇટવા ઘોડીથી ડરવાણ ચોકડી તરફ જઈ શકે તેની દરેકને જાણકારી આપવી તથા વહીવટી તત્રં મેળાની પૂર્વ તૈયારી માટે તાકીદે બેઠક બોલાવે, સુદર્શન તળાવની સફાઈ કરી જળને અનામત રાખે, આકસ્મિક ઘટનાઓમાં લોકોને ભવનાથમાંથી બહાર કાઢી શકાય તે માટે પાયતન રોડથી કેવલ બાગ લાલઢોરીથી ઈટવા ઘોડી ડેરવણ ચોકડી તરફ રસ્તો ખુલ્લ ો કરવામાં આવે તેવી માંગ સાથે બેઠકમાં નિર્ણય લેવાયો હતો.
આ બેઠકમાં લમણભાઈ પિઠીયા, કાળાભાઈ સીંઘલ, ગોવિંદ વેગડ, મગનભાઈ સાવલિયા, હરેશભાઈ ઠુંમર, લાલજીભાઈ અમરેલી અને હરેશભાઈ ઘોડાસરા સહિતના ઉપસ્થિત રહ્યા હતા