દ્વારકા એલસીબીનો દરોડો : આરોપી ફરાર

રાજકોટ રેન્જ આઇજી અશોકકુમાર યાદવ તથા દેવભુમી દ્વારકા જિલ્લાના પોલીસ અધિક્ષક નિતેશ પાંડેયએ દેવભુમી દ્વારકા જિલ્લામાં ગેરકાયદેસર દારુનો ધંધો કરતા ઇસમો પર રેઇડ કરી અસરકારક કામગીરી કરવા સુચના કરતા, એલસીબી પીઆઇ પી.સી. સીંગરખીયાના વડપણ હેઠળ પીએસઆઇ એ.એલ. બારસીયા, બી.એમ. દેવમુરારી તથા એસ.એસ. ચૌહાણ તથા સ્ટાફના માણસો અલગ અલગ ટીમ બનાવી પેટ્રોલીંગમાં હતા.
દરમ્યાન એએસઆઇ અજીતભાઇ બારોટ, અરજણભાઇ મારુ તથા હેડ કોન્સ. ડાડુભાઇ જોગલને સંયુકત બાતમી મળેલ કે, મહેકભા મુળુભા કેર રહે. આરંભડા સીમ વિસ્તાર, જીઆઇડીસી, બરફના કારખાના પાસે, દ્વારકાવાળો દારુનો જથ્થો વેચાણ અર્થે રાખ્યો છે, એવી બાતમીના આધારે દરોડો પાડીને અલગ અલગ બ્રાન્ડની ભારતીય બનાવટની વિદેશી દારુની ૧૯૨ બોટલ કિ. ૭૬૮૦૦નો મુદામાલ કબ્જે કર્યો હતો જયારે આરોપીની શોધખોળ ચલાવવામાં આવી રહી છે.