મહિલા દિવસની ભવ્ય ઉજવણી: આવતીકાલે સવારે 10 વાગ્યે યોજાશે કાર્યક્રમ 

આંતરરાષ્ટ્રીય મહિલા દિવસની ઉજવણીના ભાગરૂપે દ્વારકામાં એક ભવ્ય કાર્યક્રમનું આયોજન થઈ રહ્યું છે. ગુજરાત રાજ્ય યોગ બોર્ડ અને ગ્રામ્ય વિકાસ ટ્રસ્ટ ઓસડ સંસ્થાના સંયુક્ત ઉપક્રમે 'નારીશક્તિ વંદન' કાર્યક્રમ યોજાશે.

આ કાર્યક્રમ 8 માર્ચના રોજ સવારે 10થી બપોરે 1 વાગ્યા સુધી સનાતન સેવા મંડળ, ક્રાંતિકારી મુળુભા માણેક સર્કલ, દ્વારકા ખાતે યોજાશે. કાર્યક્રમમાં 1,000થી વધુ મહિલાઓની ઉપસ્થિતિ અપેક્ષિત છે.

યોગ બોર્ડના ચેરમેન શિશપાલજી રાજપુતના માર્ગદર્શન હેઠળ આ કાર્યક્રમની તૈયારીઓ પૂરજોશમાં ચાલી રહી છે. ભાગ લેવા ઇચ્છતા લોકોએ ઓનલાઈન રજિસ્ટ્રેશન કરાવવું આવશ્યક છે.વધુ માહિતી માટે યોગ પ્રચારક ધનાભા જડિયા (9924266956), દેવભૂમિ દ્વારકા જિલ્લાના નવનિયુક્ત યોગ કોર્ડિનેટર સન્નીભાઈ પુરોહિત (9825978822) અથવા જીવીટી ચેરમેન હેમાંગીનીબેન માણેક (9824643358)નો સંપર્ક કરવા યાદીમાં જણાવેલ છે.