જામનગરમાં ડિફેન્સ કોલોની વિસ્તારમાં રહેતી પરપ્રાંતીય યુવતીએ આજે સવારે પોતાના ઘેર કોઈ અગમ્ય કારણોસર પંખાના હુકમા ચૂંદડી બાંધી ગળાફાંસા દ્વારા આપઘાત કરી લીધો છે. જે મામલે પોલીસ તપાસ ચલાવે છે.

આ બનાવની વિગત એવી છે કે જામનગરમાં ડિફેન્સ કોલેજ ની નજીક બાલાજી પાર્કમાં રહેતી ગીતાદેવી સુશીલકુમાર વર્મા નામની ૪૩ વર્ષની પરણીતાએ આજે સવારે પોતાના ઘેર પંખાના હુકમાં ચુંદડી બાંધી ગળાફાંસા દ્વારા આત્મહત્યા કરી લીધી હતી. આ બનાવ અંગે મૃતકના પતિ સુશીલ કુમાર રામવિલાસ વર્મા એ પોલીસને જાણ કરતાં સીટી સી ડિવિઝન પોલીસે ઘટના સ્થળે પહોંચી જઈ, મૃતદેહ નો કબજો સંભાળ્યો છે, અને પોસ્ટમોર્ટમ સહિતની કાર્યવાહી હાથ ધરી છે.