પોરબંદરના છાયા રોડ પર અકસ્માતે અગાસી પરથી પડી જતા આધેડનું મોત થયુ છે.સરકારી ભાવસિંહજી હોસ્પિટલના મેડિકલ ઓફિસર ડો. વરુણ મહેતાએ કમલાબાગ પોલીસમથકમાં એવું જાહેર કર્યુ છે કે છાયા રોડ પર રોનક ફલેટ પાછળ રહેતા રાજેશ કનૈયાલાલ સોમાણી ઉ.વ. ૫૭  તા. ૧-૫ના અગાસી ઉપરથી પડી ગયા હતા. પાંચ-છ વર્ષથી શરીરમાં નબળાઇ સહિત મગજની બીમારી અને હાથમાં કંપનની બીમારીથી પીડાતા હતા અને રાજેશભાઇ તેમના ઘરેજ અગાસી પરથી અકસ્માતે પડી ગયા હોવાથી ભાવસિંહજી હોસ્પિટલે લવાયા હતા જ્યાં તેમનું મૃત્યુ થયુ હતુ આગળની તપાસ કમલાબાગ પોલીસ  ચલાવી રહી છે.