જામજોધપુર લાલપુરના ધારાસભ્ય હેમંત ખવા દ્વારા ગત તા.21-5-2024ના રોજ કલેકટરને પત્ર લખી ગામડાઓમાં પડતી પીવાના પાણીની સમસ્યાના નિવારણ માટે તાત્કાલિક ધોરણે પાણી પુરવઠા વિભાગના અધિકારીઓની બેઠક યોજવા રજુઆત કરવામાં આવી હતી જે અનુસંધાને કલેકટર જામનગર દ્વારા તાત્કાલિક પગલા લઇ આગામી સોમવારે તા.27-5-2024ના રોજ પાણી પુરવઠાના અધિકારીઓ સાથે તાકીદે બેઠક બોલાવવામાં આવી છે. ઉલ્લેખનીય છે કે આચારસંહિતાના કારણે પદાધિકારીઓ આ બેઠકમાં ઉપસ્થિત રહી શકશે નહિં.

વધુમાં હેમંત ખવા દ્વારા જામજોધપુર લાલપુર તાલુકાના ગામડાઓના તમામ સરપંચઓને પત્ર લખી જે ગામોમાં પીવાના પાણીની સમસ્યા હોયતેઓએ સાદી અરજી અથવા ગ્રામ પંચાયતના લેટર પેડ પર અરજી લખી તાલુકા વિકાસ અધિકારી અથવા તાલુકા લેવલે પાણી પુરવઠા વિભાગમાં તા.24-5-2024ને શુક્રવાર સુધીમાં અરજી કરવા માટે સુચના આપવામાં આવી છે.