જીલ્લામાંથી નિકોટીન પદાર્થના સેવન કરતા અને વેચાણ કરતા ઇસમો બાબતે એસઓજી ટીમ દ્વારા તપાસ હાથ ધરાઈ હતી. જે દરમિયાન એસઓજી પોલીસને મળેલી બાતમીના આધારે નવાપરા ગંગાજળિયા પોલીસ મથકની સામે આવેલા યાસીન બાગ કોમ્પ્લેક્ષમાં આવેલી મેક આર્ટ પાનની દુકાનમાંથી ઈસિગારેટ અને જુદીજુદી ફ્લેવર સાથે એક ઈસમને એસઓજી પોલીસે ઝડપી લીધો હતો.

આ અંગે ભાવનગર એસઓજી પોલીસ મથક કચેરી ખાતેથી મળતી માહિતી અનુસાર એસઓજી પોલીસ મથકની ટીમએ ખાનગી બાતમી આધારે નવાપરા ગંગાજળીયા પોલીસ સ્ટેશનની સામે યાસીન બાગ કોમ્પ્લેક્ષમાં મેક આર્ટ નામની પાનની દુકાન ધરાવતા રિયાજભાઇ ઉસ્માનભાઇ મહીડાને અલગ અલગ કંપનીની પ્રતિબંધિત ઈ-સિગરેટ (વેપ) નંગ-૮૪ નિકોટીન યુકત તથા અલગ અલગ ફ્લેવર્સના બોકસ નંગ-૧૭ તથા છુટા નંગ-૧૮ મળી બોટલ નંગ-૧૭૧ બોટલ મળી કુલ કિં.રૂ.૧,૭૫,૫૦૦ તથા મોબાઇલ ફોન નંગ-૧ મળી કુલ મુદ્દામાલ કી.રૂ ૨,૨૫,૫૦૦ મળી આવતા તેની સામે THE PROHIBITION OF ELECTRONIC CIGARETTES (PRODUCTION, MANUFACTURE, IMPORT, EXPORT, TRANSPORT, SALE, DISTRIBUTION, STORAGE AND ADVERTISEMENT ACT 2019 ની કલમ ૭, ૮ તથા આઇ.ટી.એકટ ૬૬ સી મુજબની એકટની જોગવાઇ અનુસાર કાર્યવાહી કરી આ અંગે એસઓજી પોલીસ મથકના હેડ કોન્સ. જયવિરસિંહ વિક્રમસિંહ ચુડાસમા દ્વારા ગંગાજળીયા પોલીસ સ્ટેશનમાં રિયાઝભાઇ ઉસ્માનભાઇ મહીડા (ઉ.વ.૨૫, રહે. યાસીનબાગ ફલેટ નં.બી વીંગ નં.૩૦૧, નવાપરા ગંગાજળીયા પોલીસ સ્ટેશન સામે) વિરુદ્ધ ગુનો દાખલ કરાવી ધોરણસરની કાર્યવાહી હાથ ધરી હતી.