ભાવનગર લોકલ ક્રાઇમ બ્રાન્ચે બાતમીના આધારે ગોરખી ગામેથી  દારૂની બોટલ નંગ-૭૫ કિ.રૂ.૪૨,૩૭૫ ના મુદ્દામાલ સાથે એક શખ્સને  ઝડપી લીધો હતો.  
 ભાવનગર એલ.સી.બી. પોલીસ સ્ટાફનાં માણસો ભાવનગર, તળાજા પોલીસ મથક  વિસ્તારમાં પેટ્રોલીંગમાં હતાં.તે દરમ્યાન બાતમી મળેલ કે, ગોરખી ગામે રહેતો વિશાલ છનાભાઇ ડોડીયા તેના રહેણાકી મકાને ભારતીય બનાવટનો પરપ્રાતીંય વિદેશી દારૂ રાખી વેચાણ કરે છે. જે બાતમી આધારે રેઇડ કરી   વિશાલ છનાભાઇ ડોડીયા (ઉ.વ.૨૩ ધંધો.મજુરી રહે. હનુમાન ધાર વિસ્તાર ગોરખી ગામ તા.તળાજા)ને ઝડપી લઇ તેની પાસેથી  લંડન પ્રાઈડ પ્રિમીયમ વ્હીસ્કી ૭૫૦ ખ.ક. બોટલ નંગ.૭૫ કુલ કિંમત રૂ.૪૨,૩૭૫ નો મુદ્દામાલનો મુદ્દામાલ કબ્જે કર્યો હતો. 
આ કામગીરીમાં  પોલીસ ઇન્સ. એ.આર.વાળાના માર્ગદર્શન હેઠળ સ્ટાફના અશોકભાઇ ડાભી, અરવિંદભાઈ બારૈયા, તરૂણભાઇ નાંદવા, પ્રવિણભાઇ નાથાભાઇ અને  મહેન્દ્રસિંહ સરવૈયા સહિતના જોડાયા હતા.