ભાવનગર જિલ્લાના મહુવા તાલુકાના ખરેડ ગામે યુવાન પર સિંહએ હુમલો કરાયો હતો. મહુવા તાલુકાના ખરેડ ગામ નજીક માલધારી યુવાન પોતાના માલઢોર ચરાવવા ગયો હતો. જર દરમિયાન અચાનક સિંહએ હુમલો કરી દીધો હતો. ખરેડ ગામ નજીક ગરાહવો વિસ્તારમાં અજયભાઇ નાથાભાઈ ગમારા પર સિંહ દ્વારા હુમલો કરાતા ગંભીર ઇજા પહોંચી હતી. જેને ગળાના ભાગે ઇજા પહોંચતા તાત્કાલીક સારવાર અર્થે મહુવા હનુમંત હોસ્પિટલમાં ખસેડાયો હતો. જ્યાં ગળાના ભાગે વઘુ ઇજા જણાતા ફરજ પરના તબીબે યુવાનને વધુ સારવાર માટે ભાવનગર ખાતે ખસેડવામાં આવ્યો હતો. બનાવને પગલે ખરેડ ગામના માલધારી લોકોમાં ભયનો માહોલ ફેલાયો હતો. અને વન વિભાગને ઘટનાની જાણ કરાઈ હોવાનું સૂત્રો પાસેથી જાણવા મળ્યું હતું.