બર્ડ સેન્ચ્યુરીમાં સાવચેતીના પગલા લેવાયા

ગત મહિને ધુંવાવ ગામની સીમમાં દેખા દીધી બાદ ધુંવાવથી માત્ર ત્રણ કીલોમીટરના વિસ્તારમાં આવેલા જામનગર શહેરની હદમાં આવી ગયેલા વાડી વિસ્તારમાં દીપડાએ દેખા દીધી હોવાના ફુટેજ જાહેર થયા બાદ હરકતમાં આવેલા વન વિભાગે દીપડો જે વાડીમાં દેખાયો હતો ત્યાંથી પગે‚ં દબાવતા દીડતો શહેર તરફ નહીં પરંતુ સીમ તરફ ગયો હોવાનું સામે આવ્યું છે.
જામનગર શહેરમાં ભળી ગયેલા મોરકંડા ગામ સુધી નવી સોસાયટીઓમાં બની ચુકી છે. આ ગામતળમાં હજી પણ કેટલીક વાડીઓ પ્લોટીંગ થવાની બાકી છે. આવા શહેરની તરત નજીકના વિસ્તારમાં આવેલા મોરકંડા ગામની સીમની વાડીમાં એક જગ્યાએ આવેલા સીસી કેમેરામાં ધોળા દિવસે દીપડો કેદ થયો હતો. રવિરની ઘટનાની જાણ જામનગરના વન વિભાગને કરવામાં આવતા ઇન્ચાર્જ એસીએફ રાજનભાઇ જાધવ અને ટીમ હરકતમાં આવી હતી અને જે જગ્યાએ દીપડો દેખાયો હોવાની માહિતી મળી હતી તે જગ્યાએ સ્થાનિકોને સાથે રાખીને દીપડાના પગલા ચકાસ્યા હતા. બાદમાં તેઓની સુચનાથી ૧૦ કર્મચારીઓની ટીમએ દીખડાના પગેરાનો પીછો કરતા આ દીપડો કરી શહેરથી દુર બાયપાસ તરફના વાડી વિસ્તાર તરફ ગયો હોવાનું તારણ નીકળતા વન વિભાગની ટીમએ ફરી આ વિસ્તારમાં પેટ્રોલીંગ કરીને દીપડાના સગર મેળવવા પ્રયાસો કર્યા છે. આ વિસ્તારમાં દીપડો એક પણ જેટલા સમયથી ઘુમતો હોવાનું જાણવા મળ્યું છે.
કારણ કે મોરકંડાથી માત્ર ૩ કીલોમીટરના અંતરે આવેલા ધુંવાવ ગામે ગત તા. ૧૦ ફેબ્રુઆરી આસપાસ દીપડો દેખાવા જિલ્લા પંચાયતના ઉપપ્રમુખ હસમુખભાઇ કણસારીયાએ વન વિભાગને જાણ કરતા ખીજડીયા આરએફઓ દક્ષાબેન વઘાસીયા અને ફોરેસ્ટ ગાર્ડઝની ટીમ મોડી રાત્રે ઘસી ગઇ હતી અને તેઓએ દીપડાના સગડ મેળવવા શરુ કર્યા હતા, પરંતુ દીપડો અલોપ થઇ ગયો હતો. જે બાદ તકેદારીના ધોરણે ખીજડીયા બર્ડ સેન્ચ્યુરીમાં ભાગ-એ માં વન વિભાગે કાંટાની ઝાડીઓ લગાવી દીધી હતી અને ટીકીટ બારી પણ આવનારા મુલાકાતીઓને દીપડા અંગે ચેતવણી આપવાનું શરુ કર્યું હતું.