આજકાલના આંગણે પાંચમા નોરતાની રાતે નાના મવા ગ્રાઉન્ડમાં ગરબાની સાથે બર્થ-ડે સેલિબ્રેશનનું અનોખું કોમ્બીનેશન જોવા મળ્યું હતું. જેમને આજકાલ દૈનિકને 25 વર્ષની એટલે કે અઢી દાયકાની સફર સવારી સાથે ટોચ પર પહોંચાડયું છે અને છેલ્લા દોઢ દાયકાથી આજકાલ ગરબાને રાજકોટીયન્સના નંબર- 1 ગરબા બનાવવા માટેનું સફળ સંચાલન ર્ક્યું છે એવા આજકાલના એમ.ડી. ચંદ્રેશભાઈ જેઠાણીનો આજરોજ જન્મ દિવસ હોવાથી રાત્રીના 12 વાગ્યે જન્મદિનની ખેલૈયાઓની વચ્ચે કેક કાપી વિશિષ્ટ ઉજવણી કરવામાં આવી હતી. આ પ્રસંગે આજકાલના ધરોહર અને પિતાશ્રી ધનરાજભાઈ જેઠાણી, માતા રજનીબેનના ચંદ્રેશભાઈએ આર્શિવાદ મેળવ્યાં હતા. આ સાથે જ જીવનસંગીની શ્રીમતિ વંશીકાબેન જેઠાણી, ભાઈ અનિલભાઈ જેઠાણી, શ્રીમતી યાનાબેન અનિલભાઈ જેઠાણી, આજકાલના ગૃપ એડિટર કાનાભાઈ બાંટવા, શ્રીમતી કિરણબેન કાનાભાઈ બાંટવા સહિત આજકાલ પિરવાર અને ગ્રાઉન્ડમાં ઉપસ્થિત ખેલૈયાઓને કેકથી ખવડાવી મોઢૂ મિઠુ કરાવ્યું હતું. આ સાથે આજકાલના ગૃપ એડિટર કાનાભાઈ બાંટવાનો પણ જન્મદિન હોવાથી એકી સાથે બે બર્થ-ડેની ઉજવણી કરવામાં આવતાં ખુશી બેવડાઈ હતી.
સિંગરોએ પણ બાર બાર યે દિન આયે, તુમ જીયો હજારો સાલના બર્થ-ડે સોંગના સૂર લહેરાવ્યા હતાં. ઉપસ્થિત ખેલૈયાઓએ ચંદ્રેશભાઈના જન્મદિવસની શુભકામના પાઠવી આજકાલ ગરબા આવું ને આવું આયોજન કરતું રહે તેવી વિશેસ શુભકામના પાઠવી સેલ્ફી લીધી હતી. બર્થ-ડે સેલિબ્રેશન બાદ સૌ પરિવાર સાથે ગરબા રમ્યા હતા.