રાણાકંડોરણાની કુમારશાળા ખાતે નિ:શુલ્ક બ્લડ ગૃપિંગ કેમ્પ યોજાયો હતો.
પોરબંદરની શ્રી  રામ એજયુકેશન એન્ડ મેડિકલ ચેરીટેબલ ટ્રસ્ટ  દ્વારા  રાણાકંડોરણાની પી.એમ.શ્રી પે.સેન્ટર કુમારશાળા ખાતે નિ:શુલ્ક બ્લડ ગૃપિંગ કેમ્પનું આયોજન કરવામાં આવ્યુ હતુ.
પોરબંદર જિલ્લામાં બ્લડ બેન્ક અન્વયે કામ કરતી શ્રી રામ એજ્યુકેશન મેડિકલ ચેરિટીબલ ટ્રસ્ટના સહયોગ અને સૌજન્યથી શાળાના તમામ ૨૭૦ જેટલા વિદ્યાર્થીઓના બ્લડનું સેમ્પલ લઇ બ્લડ ગ્રુપ નક્કી કરવામાં આવ્યુ હતુ. ટ્રસ્ટમાં કામ કરતા કો-ઓર્ડીનેટર જયપાલ જેઠવાના માર્ગદર્શન હેઠળ આ સેવાકીય પ્રવૃત્તિ હાથ ધરવામાં આવી હતી.આજના સમયમાં આરોગ્ય ક્ષેત્રે જાગૃતિ અને સાવચેતી જ‚રી છે.પ્રાથમિક શાળામાં અભ્યાસ કરતા બાળકોમાં જ  જો નાનપણ થી આરોગ્ય ક્ષેત્ર વિષે માહિતી અને જાગૃતિ માટે પ્રયત્નો કરવામાં આવે તો ભવિષ્યમાં બાળક પોતાના સ્વાસ્થ્યની ચિંતા કરશે.તેનો લાભ દેશના સારા નાગરિક તરીકે મળશે.શાળાના તમામ બાળકોના બ્લડ ગ્રુપ નક્કી કરી તેને કાર્ડ પણ આપવામાં આવ્યા હતા. આ તકે પી. એમ. શ્રી પે સેન્ટર કુમાર શાળા પરિવાર  રાણાકંડોરણા શ્રી રામ એજ્યુકેશન મેડિકલ ચેરિટેબલ ટ્રસ્ટ-પોરબંદરનો આ તકે ખુબ આભાર પ્રગટ કરે છે. ભવિષ્યમાં પણ ટ્રસ્ટના સેવાકાર્યોમાં સહકાર અને મદદ માટે તત્પર રહેવા પ્રતીબ્ધતા વ્યક્ત કરવામાં આવી હતી.