વેવાઈ અને તેના બે સાગરીતો સામે ફરિયાદ

જામનગર જિલ્લાના કાલાવડ તાલુકાના મોટી માટલી ગામમાં રહેતા ખેડૂત બુઝુર્ગ ઉપર તેમના જ વેવાઈ અને તેના બે સાગરીતો એ લાકડા ના ધોકા વડે હુમલો કરી હાથ પગ ભાંગી નાખ્યા ની ફરિયાદ પોલીસમાં નોંધાવાઇ છે.

આ હુમલા ના બનાવની વિગત એવી છે કે કાલાવડ નજીક મોટી માટલી ગામમાં રહેતા અને ખેતી કામ કરતા રાજેન્દ્રભાઈ કમાભાઈ ગગુડીયા નામના ૬૪ વર્ષના વૃદ્ધ ખેડૂતે પોતાના ઉપર લાકડાના ધોકા વડે હુમલો કરી હાથ પગ ભાંગી નાખી, ફેક્ચર સહિતની ઈજા પહોંચાડવા અંગે પોતાના જ વેવાઈ ગોવિંદભાઈ ભીખાભાઈ મકવાણા અને તેના બે સાગરીતો સામે ફરિયાદ નોંધાવી છે.

પોલીસ ફરિયાદમાં જાહેર કરાયા અનુસાર ફરિયાદી રાજેન્દ્રભાઈ ની પુત્રી ના લગ્ન આરોપી ગોવિંદભાઈ ના પુત્ર મુકેશ સાથે થયા હતા. પરંતુ તેમાં છૂટાછેડા થઈ જતાં તે વાતનું મન દુઃખ રાખીને આ હુમલો કરાયાનું પોલીસમાં જાહેર થયું છે.