શહેરના કાલાવડ રોડ પરના સ્વામિનારાયણ મંદિરમાથી કારની ચોરી થઇ હતી, જે ચોરીનો ભેદ પોલીસે ગણતરીની કલાકોમાં જ ભેદ ઉકેલી ચોરીમાં મંદિરના પૂર્વ ડ્રાઇવરને જ ઝડપી લીધો હતો.વ્યસનના લીધે નોકરીમાંથી કાઢી મુકતા આ બાબતનો રોષ રાખી તેણે અહીંથી કાર ચોરી કરી હોવાની કબુલાત આપી હતી.
જાણવા મળતી વિગતો મુજબ, સ્વામિનારાયણ મંદિરના પાર્કિંગમાંથી ગુરૂવારે સાંજે મંદિરની અર્ટીકા કારની ચોરી થઇ ગઇ હતી. કાર ચોરી અંગે મંદિરના ટ્રાન્સપોર્ટ મેનેજર અંકિતભાઇ રાજેશભાઇ પટેલે ગાંધીગ્રામ પોલીસ સ્ટેશનમાં ફરિયાદ નોંધાવી હતી. મંદિરના સીસીટીવી ફૂટેજ ચેક કરતાં એક શખ્સ કેમેરામાં કેદ થયો હતો.
ચોરીની ઘટનાને લઇ ક્રાઇમબ્રાંચ પીઆઇ એમ.આર.ગોંડલીયાની રાહબરીમાં પીએસઆઇ એ.એન.પરમાર તથા તેમની ટીમે તપાસ ધરી હતી.દરમિયાન એએસઆઇ જલદિપસિંહ વાઘેલા,કોન્સ. મહાવિરસિંહ ચુડાસમા તથા હિરેનભાઇ સોલંકીને એવી બાતમી મળી હતી કે, કાર ચોરીમાં મંદિરનો જ પૂર્વ કર્મચારી આણંદના દંતેલી ગામનો મયંક રમેશ સુથાર(ઉ.વ 34) સંડોવાયો છે.પોલીસે કુવાડવા હાઇવે પરથી આરોપીને મયંકને કાર સાથે ઝડપી લીધો હતો.
આરોપીએ કબૂલાત આપી હતી કે, અગાઉ તે સ્વામિનારાયણ મંદિરમાં જ ડ્રાઇવર તરીકે નોકરી કરતો હતો, પરંતુ વ્યસનને કારણે દોઢ વર્ષ પહેલા તેને નોકરીમાંથી કાઢી મુકવામાં આવ્યો હતો, નોકરીમાથી કાઢી મુકાતા તે વાતનો રોષ હતો, મંદિરની માલિકીના વાહનોની ચાવી ક્યાં રહે છે તે વાતથી તે વાકેફ હતો, મંદિરની કાર ચોરવાનો અને તે કાર ચોરીને વર્ધીમાં ચલાવવાનો પ્લાન કર્યો હતો. ગુરૂવારે સાંજે મંદિરમાં આરતીના સમયે પોતે ઘુસ્યો હતો અને ચાવીના સ્ટેન્ડે જઇ ત્યાંથી અર્ટીકા કારની ચાવી ઉઠાવી કાર હંકારીને નાસી ગયો હતો. મયંક અગાઉ દારૂના ગુનામાં પોલીસ ચોપડે ચડી ચુક્યો હોવાનું જાણવા મળ્યું છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationપ્રદૂષણના કારણે પ્રાથમિક શાળાના વર્ગો આગામી આદેશ સુધી ઓનલાઈન, દિલ્હી મેટ્રોએ પણ મહત્વની કરી જાહેરાત
November 14, 2024 11:04 PMAAPના મહેશ કુમાર ખીંચી નવા મેયર બન્યા, ભાજપને 130 મત; રવિન્દ્ર ભારદ્વાજ બન્યા ડેપ્યુટી મેયર
November 14, 2024 10:03 PMદુનિયાને આ જોખમોથી બચાવશે નાસા અને ઈસરો, વાંચો શું છે મિશન NISAR, ટૂંક સમયમાં લોન્ચ કરવાની તૈયારી
November 14, 2024 09:59 PMભાવનગરમાં ત્રાટક્યું આવકવેરા વિભાગ, શહેરમાં 3 સ્થળો પર ઇન્કમટેક્સ વિભાગના દરોડા
November 14, 2024 09:58 PMCopyright © 2023-2024 Aajkaal Daily
Developed by Rhythm Infotech