શહેરમાં લુખ્ખા અને માથાભારે તત્વો બેફામ બન્યા છે. નજીવી બાબતે સામાન્ય મારામારીથી લઈ છરી વડે જીવલેણ હત્પમલાની ઘટનાઓ બનતી રહે છે. ત્યારે ગુંડાગીરીની ઘટનાનો વધુ એક વીડિયો સામે આવ્યો છે. શહેરના વિરાણી ચોક પાસે કારચાલક અને એકિટવા ચાલક વચ્ચે કોઈ બાબતે બોલાચાલી થયા બાદ એકિટવા ચાલકે પોતાના વાહનની ડેકીમાંથી ધારદાર છરો કાઢી જાહેરમાં રોફ જમાવ્યો હતો.
આ ઘટનાનો વીડિયો સોશિયલ મીડિયામાં વાયરલ થતા એ ડિવિઝન પોલીસે આ વિડીયોના આધારે એકટીવાચાલકને ઝડપી લેવા તપાસ શ કરી છે.ગૃહ મંત્રીએ કરેલા નિવેદન બાદ કાયદો હાથમાં લેનાર શખસોના વરઘોડા કાઢવામાં આવી રહ્યા છે.ત્યારે જાહેરમાં આ રીતે રોફ જમાદાર આ શખસ હાથ લાગ્યા બાદ પોલીસ દ્રારા તેનો વરઘોડો કાઢવામાં આવશે તેવું ચર્ચાઇ રહ્યું છે.
પ્રા વિગતો મુજબ, આજરોજ સોશિયલ મીડિયામાં એક વિડીયો વાયરલ થયો હતો જેમાં કારચાલક અને એકટીવા ચાલક વચ્ચે જાહેરમાં કોઈ બાબતે બોલાચાલી થઈ રહી હતી. દરમિયાન આ એકટીવા ચાલકે ઉશ્કેરાઇ જઇ એકટીવાની ડેકીમાંથી ધારદાર છરો કાઢો હતો અને આ છરો કાર ચાલક સામે ઉગામી ધમકીની ભાષામાં વાત કરતો હોય તેવું વીડિયોમાં નજરે પડી રહ્યું હતું. એવું કહેવાય રહ્યું છે કે, આ વિડીયો વિરાણી ચોક પાસેનો છે ત્યારે વાયરલ થયેલા આ વીડિયોને લઈ એ ડિવિઝન પોલીસ મથકના પીઆઇ આર.જી.બારોટની રાહબરી હેઠળ ટીમે વિડીયોના આધારે આ શખસને ઝડપી લેવા શોધખોળ શ કરી છે.
શહેરમાં ફાટીને ધુમાડે ગયેલા માથાભારે અને લુખ્ખા તત્વો સામે પોલીસે કડક કાર્યવાહી શ કરી છે. જેના ભાગપે શનિવારે સોની બજારમાં બંગાળી યુવાનને છરીના ઘા ઝીંકી દેનાર શખસની જાહેરમાં સરભરા કરવામાં આવી હતી. ત્યારે આ પ્રકારની ગુંડાગીરીની વધુ એક ઘટના સામે આવતા આરોપી હાથ લાગ્યા બાદ આ શખસની પણ પોલીસ આગવી ઢબે સરભરા કરશે તેવું જણાઈ રહ્યું છે.