જામનગર જિલ્લાના કાલાવડ તાલુકાના અરલા ગામમાં રહેતા એક દિવ્યાંગ યુવાને પોતાના એકલવાયા જીવનથી કંટાળી જઇ ઝેરી દવા પી લઇ આત્મહત્યા કરી લીધી છે. જે મામલે કાલાવડ ગ્રામ્ય પોલીસ તપાસ ચલાવે છે.

આ બનાવની વિગત એવી છે કે કાલાવડ તાલુકાના અરલા ગામમાં રહેતા અને નાનપણથી બંને પગમાં દિવ્યાંગ એવા રાજેશ અમૃતલાલ ખખ્ખર નામના ૪૮ વર્ષના યુવાને પોતાના એકલવાયા જીવનથી કંટાળી જઇ પોતાના હાથે ઝેરી દવા પી લીધી હતી, જેથી તેને બેશુદ્ધ અવસ્થામાં સારવાર માટે હોસ્પિટલમાં ખસેડાયા હતા, જ્યાં તેનું મૃત્યુ નીપજયું હોવાનું જાહેર કરાયું હતું.

આ બનાવ અંગે મૃતક ના માતા અરુણાબેન મહેશભાઈએ પોલીસને જાણ કરતાં કાલાવડ ગ્રામ્ય ના એ.એસ.આઈ.જી.આઈ. જેઠવા એ મૃતદેહ નો કબજો સંભાળી પોસ્ટ મોર્ટમ કરાવ્યું છે, અને આ બનાવ અંગે ઊંડાણપૂર્વકની તપાસ હાથ ધરી છે.