પરિવારજનો ના હોવાથી સેવાભાવીઓએ કર્યા અગ્નિ સંસ્કાર

ભાણવડ તાબેના શિવા ગામના રહેવાસી હરેશદાસ કેશવદાસ દેવમુરારી નામના એક આધેડ શનિવારે રાત્રે ફુલકુ નદી પાસેથી ચાલીને પસાર થતી વખતે અગમ્ય કારણોસર નદીના પાણીમાં પડી જતાં મૃત્યુ નિપજ્યું હતું.

આ બનાવો અંગેની જાણ સવારના સમયે સ્થાનિકોને જાણ થતાં આ અંગે ભાણવડ પોલીસને જાણ કરવામાં આવી હતી. ત્યાર બાદ આ મૃતદેહને સરકારી હોસ્પિટલ ખાતે ખસેડાયો હતો. જ્યાં પોસ્ટમોર્ટમ સહિતની કાર્યવાહી થયા બાદ આ મૃતકના નજીકના કોઈ પરિવારજનો ના હોવાથી આ મૃતદેહને અગ્નિસંસ્કાર અર્થે સેવાભાવી સંસ્થાના સ્વયંસેવકોએ હિંદુ ધાર્મિક વિધિ મુજબ આ મૃતદેહને અગ્નિ સંસ્કાર આપી અને મૃતકના આત્માની શાંતિ અર્થે પ્રભુને પ્રાર્થના કરાઈ હતી.