નાનામવા રોડ પર આવેલા ટીઆરપી ગેમ ઝોનમાં થયેલા અીકાંડ બાદ અહીં ગઈકાલે ગેમ ઝોનમાં ગોકાર્ટ બિલ્ડીંગની ઓફિસમાંથી બિયરનો જથ્થો હોવાનું સામે બાદ તાલુકા પોલીસ અહીંથી આઠ બિયરના ટીન કબ્જે કરી સંચાલક સામે ગુનો નોંધાયો હતો.
જાણવા મળતી વિગતો મુબજ, તાલુકા પોલીસ મથકના કોન્સ્ટેબલ પૃથ્વીરાજસિંહ મંગળસિંહે નોંધાવેલી ફરીયાદ મુજબ, ગઈ તા.૨૫ના નાનામવા મેઈન રોડ સયાજી હોટલની પાછળ ટીઆરપી ગેમ ઝોનમાં આગ લાગવાનો બનાવ બન્યો હોય જેથી તેઓ ગઈકાલે બંદોબસ્તમાં હતાં ત્યારે તે જગ્યાએ આગ લાગવાના કારણે કાટમાળ ખસેડવાની કામગીરી ચાલુ હોય તે દરમ્યાન ટીવી માધ્યમોમાં ટીઆરપી ગેમ ઝોનમાં મેઈન ગેટની સામેના ભાગે આવેલ ગોકાર્ટ બિલ્ડીંગના પહેલા માળે સીડી ચડતા ડાબી બાજુએ આવેલ ઓફીસમાં બીયરના ટીન મળી આવેલ હોય જેથી સ્ટાફે જગ્યાએ જોતા એક ખોખામાં બીયરના ૦૮ ટીન જોવામાં આવતાં બિયરના ટીન કુલ .૧૬૦૦ નો મુદ્દામાલ કબ્જે કરી પોલીસ મથકે લઈ જવામાં આવ્યો હતો.

જેથી ટીઆરપી ગેમ ઝોનમાં આવેલ ગોકાર્ટ બિલ્ડીંગના પહેલા માળે આવેલ ઓફીસના સંચાલકે પોતાના કબ્જામાં પરમીટ વગર બિયર રાખતાં આ અંગે તાલુકા પોલીસ સ્ટેશનમાં ગુનો નોંધવામાં આવ્યો હતો.