જામનગરના ખંભાળીયા નાકા બહાર ચાની હોટલે થયેલી બબાલમાં ચાર સામે ફરીયાદ

February 01, 2025 11:53 AM

જામનગરના ખંભાળીયા નાકા પાસે આવેલી શકિત હોટલે ચાર શખ્સોએ હોટલ સંચાલક સાથે માથાકુટ કરી હતી માર મારીને ધમકી દેવામાં આવી હતી આ બનાવમાં હોટલના કારીગર સહિત ચાર સામે પોલીસ ફરીયાદ નોંધાવવામાં આવી છે.

જામનગરના ઠેબા ચોકડી પાસે શ્યામ ગ્રીન સોસાયટી-૩ ખાતે રહેતા અને ચાની હોટલનો ધંધો કરતા બીજલ મેસુરભાઇ ધ્રાંગીયા (ઉ.વ.૨૮) એ ગઇકાલે સીટી-એ ડીવીઝનમાં દિવ્યેશ નિલેશ વાઘેલા, મૌલીક, રૂદ્ર અને શકિતસિંહ રહે. બધા જામનગરની વિરુઘ્ધ જુદી જુદી કલમ મુજબ ફરીયાદ નોંધાવી હતી.

ફરીયાદી બીજલભાઇ ખંભાળીયા નાકા પાસે શકિત હોટલ ચલાવતા હોય તેની હોટલે કામ કરતો દિવ્યેશને કામ બાબતે ઠપકો આપ્યો હતો જેનો ખાર રાખીને દિવ્યેશ તા. ૩૦ના હોટલે આવ્યો હતો અને તેના અન્ય મિત્રોને બોલાવ્યા હતા જેઓ મોટરસાયકલ સાથે હોટલે ઘસી આવ્યા હતા.

જયાં ફરીયાદીને અપશબ્દો બોલવા લાગ્યા હતા અને રૂદ્ર નામના શખ્સે મુંઠ વડે ફરીયાદીને કપાળના ભાગે ઘા ઝીંકયા હતા, તેમજ ચારેય આરોપીઓએ ભેગા મળીને હોટલ સંચાલકને ઢીકાપાટુનો માર મારી હવે તુ હોટલ ખોલીશ તો જાનથી મારી નાખશુ તેવી ધમકી દઇ એકબીજાને મદદગારી કરી હતી. આ ફરીયાદના આધારે સીટી-એ પોલીસ દ્વારા તપાસ ચલાવાવમાં આવી રહી છે. ચાની હોટલે બધડાટી બોલતા અફડાતફડી મચી હતી અને લોકો એકત્ર થઇ ગયા હતા, દરમ્યાન આ મામલામાં વિધિવત ફરીયાદ દાખલ થઇ છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગરના ખંભાળીયા નાકા બહાર ચાની હોટલે થયેલી બબાલમાં ચાર સામે ફરીયાદ

Recent News

Gujarat's No. 1 evening newspaper