રાજકોટના રેલનગરની આશીર્વાદ સ્કૂલમાં ધો.10નો વિદ્યાર્થી છરી લઈ સ્કૂલે પહોંચ્યો હતો અને સહપાઠીના હાથમાં ઘા ઝીંકી દીધો હતો. શહેરમાં લુખ્ખાગીરી બેફામ વધી રહી છે ત્યારે જ એક 15 વર્ષનો સગીર પણ સ્કૂલ બેગમાં છરી લઈ પહોંચતા ખળભળાટ મચી ગયો છે. ઇજાગ્રસ્ત વિદ્યાર્થીને સિવિલ હોસ્પિટલ ખસેડાયો હતો. વિદ્યાર્થી સ્કૂલે છરી લઇને પહોંચ્યો હોવાના ક્લાસ રૂમના સીસીટીવી ફૂટેજ વાઇરલ થઈ રહ્યા છે. જે બાદ સમગ્ર મામલો પોલીસ મથકે પહોંચ્યો છે. 

સીસીટીવીમાં શું જોવા મળે છે
પ્રાપ્ત માહિતી મુજબ, રાજકોટના રેલનગરમાં આવેલી આશીર્વાદ સ્કૂલમાં આ બનાવ બન્યો છે. સીસીટીવીમાં જોવા મળે છે કે, સ્કૂલના ક્લાસરૂમમાં ત્રણ વિદ્યાર્થી બેઠા છે. જેમાં ગ્રીન કલરની ટી-શર્ટ પહેરેલો વિદ્યાર્થી પોતાની બેગની ચેઇન ખોલે છે અને અંદર રહેલી છરી બહાર કાઢે છે. બાદમાં ક્લાસરૂમની છેલ્લી બેન્ચ પર બેઠેલા તેના સહપાઠી સાથે વાતચીત કરે છે. બાદમાં તેની સાથે થોડી ઝપાઝપી કરે છે. આથી છરીનો ઘા સહપાઠીના હાથમાં વાગી જાય છે. બાદમાં ફરી હુમલો કરનાર વિદ્યાર્થી પોતાની બેગમાં છરી મૂકી દે છે. બીજા એક સીસીટીવી છે તેમાં સ્કૂલ સંચાલક આ વિદ્યાર્થીનું બેગ ચેક કરે છે જેમાંથી છરી નીકળે છે. 

વિદ્યાર્થીએ બેગમાંથી છરી કાઢી

છરીનો ઘા મારતા અન્ય વિદ્યાર્થીઓ ક્લાસરૂમમાં આવ્યા

સ્કૂલ સંચાલકે વિદ્યાર્થીની બેગમાંથી છરી કાઢી