ગુજરાત રાજ્ય માધ્યમિક પરીક્ષા બોર્ડ દ્વારા ધો. ૧૦ અને ૧રની પુરક પરીક્ષાનો સોમવારથી પ્રારંભ થયો છે. જેમાં જામનગરમાં ગેરરીતિનો એક કેસ નોંધાયો હતો.
ધો. ૧૦માં હરીયા સ્કૂલમાં પરીક્ષા આપતો એક વિદ્યાર્થી કાપલી સાથે પકડાયો હતો. તેની સામે ગેરરીતિનો કેસ નોંધવામાં આવ્યો હતો. સવારે ધો. ૧૦ માં ગણિતનું પેપર લેવાયું હતું જેમાં ૧૭૦ હાજર અને ૧૬ વિદ્યાર્થીઓ ગેરહાજર રહ્યા હતાં. જ્યારે ધો. ૧ર (વિજ્ઞાન પ્રવાહ) માં ૧૪૪ હાજર અને ૪ર વિદ્યાર્થીઓ ગેરહાજર રહ્યા હતાં અને રસાયણ વિજ્ઞાનનું પેપર લેવાયું હતું.તથા બપોરે ધો.૧૦ માં અંગ્રેજીનું પેપર લેવામાં આવ્યું હતું.જેમાં ૧૩૬ હાજર અને ૧૩ વિદ્યાર્થીઓ ગેર હાજર રહ્યા હતા.